चेन्नई :
आशिया चॅम्पियन्स ट्रॉफी 2023 स्पर्धेचा अंतिम सामना शनिवारी १२ ऑगस्ट रोजी भारत विरुद्ध मलेशिया या हॉकी संघात झाला. अखेरपर्यंत रोमांचक झालेल्या या सामन्यात भारतीय हॉकी संघाने शानदार पुनरागमन करत विजय संपादन केला.याबरोबरच या स्पर्धेचे चौथ्यांदा विजेतेपद जिंकले.
भारताने अंतिम सामन्यात मलेशियाविरुद्ध 4-3 गोलफरकाने विजय मिळवला. याआधी भारताने 2011, 2016 आणि 2018 या तीन वर्षी आशिया चॅम्पियन्स ट्रॉफी जिंकली आहे.
अंतिम सामन्यात हाफ टाईमपर्यंत मलेशिया या सामन्यात ३-१ अशी आघाडीवर होते. मात्र तिसऱ्या क्वार्टर्सच्या अखेरच्या मिनिटात भारताकडून हरमप्रीत सिंग आणि गुरजंत सिंगने गोल करत भारताला बरोबरी साधून दिली होती. त्यानंतर अखेरचे ४ मिनिटे बाकी असताना भारताकडून आणखी एक गोल आकाशदीप सिंगने नोंदवला. त्याआधी भारताकडून पहिला गोल जुगराज सिंगने केला होता.
जपान तिसऱ्या क्रमांकावर
अंतिम सामन्यापूर्वी जपान आणि कोरिया या हॉकी संघात तिसऱ्या आणि चौथ्या स्थानासाठी सामना रंगला. या सामन्यात जपानने ५-३ अशा फरकाने कोरियाला नमवत तिसरा क्रमांक पटकावला.
More Stories
पुणे जिल्हा कबड्डी असोसिएशनच्या पिंपरी चिंचवड व पुणे ग्रामीण संघाची कुमार-कुमारी गट राज्य अजिंक्यपद निवड चाचणी स्पर्धेत ऐतिहासिक कामगिरी…
कोल्हापूर संघ ठरला क्रेडाई महाराष्ट्र प्रीमियर लीगचा विजेता..
बालेवाडी येथील चेतक स्पोर्टस् क्लब ने मिळविले पुणे जिल्हा कुमार गट अजिंक्यपद निवड चाचणी कबड्डी स्पर्घेत मिळविले विजेतेपद..