सचिन दळवी यांच्या वतीने नागरिकांसाठी बनविलेल्या ‘दिनदर्शिका-२०२४’ चे प्रकाशन कॅबिनेट मंत्री चंद्रकांत पाटील यांच्या हस्ते संपन्न..

कोथरुड :

सोमेश्वरवाडी, पाषाण सुतारवाडी परिसरातील नागरिकांनसाठी भाजपा कोथरूड विधानसभा मतदार संघ (ऊ) सरचिटणीस सचिन दळवी यांच्या वतीने देण्यात येणाऱ्या ‘दिनदर्शिका-२०२४’ चे प्रकाशन राज्याचे उच्च व तंत्रशिक्षण, वस्रोद्योग मंत्री मा.ना.चंद्रकांत (दादा) पाटील व भाजपा पुणे शहराध्यक्ष धीरज घाटे यांच्या हस्ते करण्यात आले.

या दिनदर्शिकेची माहिती देताना भाजपा युवा नेते सचिन दळवी म्हणाले की, दिनदर्शिका आपल्या दैनंदिन जीवनाला वेगळी दिशा देत असते. तिला आपल्या सर्वांच्या जीवनामध्ये फार महत्त्व आहे.आवश्यक असणार्‍या माहितीची पूर्तता करणारी दिनदर्शिका परिसरातील सर्व नागरिकांसाठी उपलब्ध करून देण्याच्या उद्देशाने प्रकाशन करण्यात येत आहे. ही दिनदर्शिका नागरिकांना उपयोगी पडावी म्हणून सगळ्या पर्यंत पोहोचविण्याचा प्रयत्न करणार आहे.

दिनदर्शिकेचे प्रकाशन करतेवेळी भाजपा प्रदेशाध्यक्ष आमदार चंद्रकांत पाटील म्हणाले की, समाजातील नागरिकांची गरज लक्षात घेऊन सचिन दळवी यांनी बनवलेली दिनदर्शिका फार उत्तम आहे. ही दिनदर्शिका दैनंदिन जीवनामध्ये नागरिकांच्या उपयोगी पडेल. दिनदर्शिका तयार करताना दळवी यांनी केलेला सामाजिक कामाचा आराखडा यामध्ये मांडून तो नागरिकांन समजेल अशा पद्धतीने त्याची मांडणी केली आहे.

यावेळी कोथरुड विधानसभा मतदार संघ (ऊ) अध्यक्ष सचिन पाषाणकर, कोथरुड विधानसभा मतदार संघ (द) अध्यक्ष संदीपजी बुटाला, कोथरुड मतदार संघाचे समन्वयक नवनाथ जाधव, कोथरुड विधानसभा मतदार संघ सरचिटणीस गिरीश खत्रे, महेश सर गोरे,कोथरुड विधानसभा मतदार संघ (ऊ) उपाध्यक्ष गोकुळ जाधव, कोथरुड विधानसभा मतदार संघ (ऊ) सचिव तेजस बामगुडे दिनदर्शिका प्रकाशनास उपस्थित होते.