बाणेर स्मशानभूमी समोरून बाणेर गावाकडे जाणारा रस्ता दोन दिवसात दुरुस्त करा अन्यथा आंदोलन करणार- ऋषिकेश कानवटे

बाणेर :

बाणेर स्मशानभूमी समोरील बाणेर गावाकडे जाणाऱ्या रस्त्याची दुरवस्था झालेली असून तो त्वरित दुरुस्त न केल्यास आंदोलन करण्याचा इशारा रयत स्वाभिमानी संघटना प्रमुख संघटक ऋषिकेश कानवटे यांनी प्रशासनाला दिला आहे.

मागील अनेक महिने झाले बाणेर स्मशानभूमीच्या समोरून जो रोड बाणेर मुख्य रोड कडे व गावात जातो त्या ठिकाणी महापालिकेच्या हुशार पथ विभागाच्या अधिकाऱ्यांनी पूर्ण रोडवर पेवर ब्लॉक बसवले आहेत हे पेवर ब्लॉक्स आजच्या स्थितीला एका बाजूने डोंगर आणि दुसऱ्या बाजूने नदी अशी परिस्थिती झाली आहे. रस्त्यावरून ये जा करण्यासाठी नागरिकांना मोठा मनस्ताप सहन करावा लागत आहे परंतु महापालिका प्रशासनाला याबाबत कसलेही गांभीर्य दिसत नाही. म्हणूनच येत्या दोन दिवसात जर या रस्त्याची डागडुजी करण्यात आली नाही, तर रयत स्वाभिमानी संघटना या रस्त्यात बसून आंदोलन करेल याची नोंद घ्यावी असे प्रमुख संघटक ऋषिकेश कानवटे यांनी सांगितले.