बाणेर परिसरातील विविध सोसायट्यांमध्ये समीर चांदेरे यांच्या उपस्थितीत स्वातंत्र्यदिन उत्साहात साजरा..

बाणेर :

शहराच्या ७९ व्या स्वातंत्र्यदिनानिमित्त, राष्ट्रवादी काँग्रेसचे पुणे शहर युवक अध्यक्ष समीर चांदेरे यांनी परिसरातील विविध सोसायट्यांमध्ये आयोजित केलेल्या ध्वजारोहण सोहळ्यांना आवर्जून उपस्थिती लावली. यामध्ये याश्विन, वॉटर एज, निआ, फ्रेशिया यांसारख्या प्रमुख सोसायट्यांचा समावेश होता. या सोहळ्यांमुळे परिसरात उत्साहाचे वातावरण निर्माण झाले होते.

या प्रसंगी नागरिकांशी संवाद साधताना चांदेरे म्हणाले, “सार्वजनिक जीवनात कार्यरत असताना प्रत्येक क्षणी ‘राष्ट्रप्रथम’ हा भाव जोपासणे ही आपली सर्वांची नैतिक जबाबदारी आहे.” त्यांनी यावेळी सर्व उपस्थितांना हा संकल्प करण्याची शपथ दिली.

सोहळ्यांमध्ये अबालवृद्धांचा उत्स्फूर्त सहभाग लक्षवेधी होता. विशेषतः, स्वातंत्र्यसैनिकांच्या वेशभूषेत आलेल्या चिमुकल्यांनी उपस्थितांची मने जिंकली. त्यांच्या निरागस उत्साहाने सोहळ्याला एक वेगळीच शोभा आली होती. समीर चांदेरे यांनी या लहानग्यांचे विशेष कौतुक केले आणि त्यांना उज्ज्वल भविष्यासाठी शुभेच्छा दिल्या.

समीर चांदेरे यांनी यावेळी सोसायट्यांमधील नागरिकांनी आयोजित केलेल्या या सोहळ्याचे कौतुक केले. “समाजाला एकत्र आणून राष्ट्रीय सण साजरा करणे ही खरी ऊर्जा देणारी गोष्ट आहे,” असे ते म्हणाले. परिसरातील नागरिकांनी त्यांना ध्वजारोहणाचा मान दिल्याबद्दल त्यांनी कृतज्ञता व्यक्त केली. “आपल्या परिसरातील नागरिकांनी मला जो आदर आणि प्रेम दिले, त्याबद्दल मी त्यांचा मनापासून आभारी आहे. हा सन्मान माझ्यासाठी खूप महत्त्वाचा आहे,” असे सांगत त्यांनी सर्वांचे आभार मानले.