पाषाण येथे प्रमोद अण्णा निम्हण आयोजित अजितदादा पवार यांच्या वाढदिवसानिमित्त भव्य आरोग्य तपासणी, रक्तदान व मोफत चष्मे वाटप शिबिरास उस्फूर्त प्रतिसाद..

पाषाण :

महाराष्ट्र राज्याचे उपमुख्यमंत्री तथा पुणे जिल्ह्याचे पालकमंत्री मा. ना. अजितदादा पवार यांच्या वाढदिवसानिमित्त माजी नगरसेवक प्रमोद अण्णा निम्हण यांच्या वतीने एक भव्य आरोग्य तपासणी, रक्तदान आणि मोफत चष्मे वाटप शिबिराचे आयोजन करण्यात आले.

या शिबिरात नागरिकांसाठी विविध प्रकारच्या आरोग्य तपासण्यांची सुविधा उपलब्ध करून देण्यात आली. विशेष म्हणजे, नेत्रतपासणी करून अनेक गरजू नागरिकांना मोफत चष्मे वाटप करण्यात आले. तसेच, मानवतेच्या दृष्टिकोनातून आयोजित करण्यात आलेल्या रक्तदान शिबिरालाही नागरिकांनी मोठ्या संख्येने सहभाग नोंदवत उत्स्फूर्त प्रतिसाद दिला.

या उपक्रमाबाबत बोलताना माजी नगरसेवक प्रमोद अण्णा निम्हण म्हणाले की, “मा. अजितदादा पवार यांच्या समाजकल्याणाची आणि लोकसेवेची प्रेरणा आम्हाला मिळते. त्यांच्या वाढदिवसानिमित्त हे शिबिर आयोजन करून नागरिकांच्या सेवेसाठी काहीतरी उपयुक्त करावे, हीच भावना होती. नागरिकांचा मोठ्या प्रमाणावर मिळालेला प्रतिसाद हेच या उपक्रमाचे यश आहे.”

या आरोग्य शिबिरामुळे अनेक नागरिकांना तात्काळ तपासणी व उपचारांची सुविधा उपलब्ध झाली असून, स्थानिक स्तरावर हे उपक्रम उपयुक्त आणि स्तुत्य ठरले.