बाणेर-बालेवाडीत ‘कलाकार कट्टा’ व्हावा: सारंग वाबळे यांची मागणी

बाणेर :

बाणेर येथील सुप्रसिद्ध लोककलावंत श्री राजेंद्र उर्फ ‘गुज्या भाऊ’ ताम्हाणे यांना नुकताच बालगंधर्व लोककलावंत पुरस्कार प्राप्त झाल्याबद्दल, गुज्या भाऊ ताम्हाणे फॅन क्लबने त्यांच्या सत्काराचे आयोजन केले होते. याचवेळी बोलताना श्री सारंग वाबळे यांनी बाणेर आणि बालेवाडी परिसरात ‘कलाकार कट्टा’ असावा अशी मागणी केली.

याप्रसंगी राहुलदादा बालवडकर, विशाल गांधीले, अमर लोंढे, योगेश सुतार, मनीष चांदेरे, मनोज घुले, सोमेश फुके, स्वप्निल गांधिले, निसर्ग गांधिले आणि संकेत माकर हे मान्यवर उपस्थित होते. राहुलदादा बालवडकर यांनी बाणेर आणि बालेवाडीमध्ये ‘कलाकार कट्टा’ उभारण्यासाठी सर्वतोपरी मदत करण्याचे आश्वासन दिले.

या सत्कार सोहळ्यात सर्व मित्रपरिवाराने गुज्या भाऊंच्या अनेक आठवणींना उजाळा दिला, ज्यामुळे कार्यक्रमाला एक आपुलकीची किनार लाभली. बाणेर-बालेवाडीतील कलावंतांना हक्काचे व्यासपीठ मिळावे, या दृष्टीने ‘कलाकार कट्ट्या’ची मागणी महत्त्वपूर्ण ठरत आहे.