‘आंतरराष्ट्रीय योग दिना’निमित्त भव्य योग-संगमाचे क्रीडा व युवक सेवा संचालनालय, महाराष्ट्र राज्य व अमोल बालवडकर फाउंडेशनचे आयोजन…

बालेवाडी :

‘एक पृथ्वी, एक स्वास्थ्य के लिए योग’ या जागतिक संकल्पनेनुसार आंतरराष्ट्रीय योग दिनानिमित्त पुण्यातील श्री शिव छत्रपती क्रीडा संकुल, म्हाळुंगे-बालेवाडी येथे भव्य योग-संगमाचे आयोजन करण्यात आले आहे. हा उपक्रम क्रीडा व युवक सेवा संचालनालय, महाराष्ट्र राज्य व अमोल बालवडकर फाउंडेशन यांच्या संयुक्त विद्यमाने पार पडणार आहे.

कार्यक्रम शनिवार, दिनांक २१ जून २०२५ रोजी सकाळी ६.३० वाजता सुरू होणार असून, या योग महोत्सवामध्ये हजारो नागरिक, विद्यार्थी, महिला व ज्येष्ठ नागरिक मोठ्या संख्येने सहभागी होणार आहेत.

योग दिनानिमित्त उपस्थित सर्व सहभागींना मोफत टी-शर्ट व योगा मॅट देण्यात येणार आहे. कार्यक्रमामध्ये सामूहिक योगाभ्यास, विविध योगासने, तसेच योगासंबंधी प्रात्यक्षिके व मार्गदर्शन सत्रे आयोजित करण्यात आली आहेत.

या कार्यक्रमात सहभागी होण्यासाठी नागरिकांना QR कोड स्कॅन करून नोंदणी करण्याचे आवाहन आयोजकांकडून करण्यात आले आहे.