म.न.पा. शाळा क्र. १ व २, बावधन बुद्रुक येथे विद्यार्थ्यांचे जल्लोषात स्वागत; नवीन शैक्षणिक वर्षाचा उत्साहात प्रारंभ!

बावधन बुद्रुक:

म.न.पा. शाळा क्र. १ व २, बावधन बुद्रुक येथे विद्यार्थ्यांचे मोठ्या उत्साहात आणि आनंदाने स्वागत करण्यात आले. नवीन शैक्षणिक वर्षाच्या पहिल्या दिवशी विद्यार्थ्यांमध्ये एक वेगळाच उत्साह संचारलेला दिसत होता. यावेळी पहिलीच्या मुलांचे औक्षण करून स्वागत करण्यात आले.

या विशेष प्रसंगी, मुलांना शालेय पाठ्यपुस्तकांचे वाटप करण्यात आले. पाठ्यपुस्तके मिळाल्याने मुलांच्या चेहऱ्यावर आनंद स्पष्ट दिसत होता. तसेच, उपस्थित मान्यवरांनी विद्यार्थ्यांना नव्या शैक्षणिक वर्षासाठी मनःपूर्वक शुभेच्छा दिल्या आणि त्यांच्या उज्ज्वल भविष्यासाठी सदिच्छा व्यक्त केल्या.

यावेळी राष्ट्रवादी काँग्रेसचे नेते श्री. सूर्यकांत भुंडे विशेषत्वाने उपस्थित होते. त्यांनी मुलांना शुभेच्छा दिल्या आणि महापालिकेच्या वतीने देण्यात येणारी पाठ्यपुस्तके मुलांचे वाटप केले. त्यांच्या उपस्थितीने कार्यक्रमाला एक वेगळीच शोभा आली.

याप्रसंगी सौ. आनंदीबाई वणवे (पर्यवेक्षिका, कोथरूड विभाग), श्री. विजय गांगुर्डे (क्रीडा अधिकारी, कोथरूड विभाग), प्राध्यापक उद्धव सुतार सर, प्राध्यापिका मृणालनी नायडू मॅडम, सामाजिक कार्यकर्त्या वंदना दगडे आणि शाळेतील सर्व शिक्षकवृंद उपस्थित होते. सर्वांनी मिळून विद्यार्थ्यांचे स्वागत केले आणि त्यांना नवीन वर्षासाठी प्रोत्साहन दिले.

हा दिवस विद्यार्थ्यांसाठी अविस्मरणीय ठरला, कारण नव्या शिक्षणाचा प्रवास एका आनंदमय वातावरणात सुरू झाला.