सुस येथील रावी नगर, येथे नवीन ड्रेनेज लाईनच्या कामाचा बाबुराव चांदेरे यांच्या शुभहस्ते शुभारंभ!

सुस :

रावी नगर, सूस येथील नागरिकांना अनेक वर्षांपासून भेडसावणाऱ्या ड्रेनेज समस्येवर अखेर तोडगा निघाला आहे. पावसाळ्यात साचणारे पाणी, दुर्गंधी आणि वाढत्या आरोग्य समस्यांमुळे स्थानिक रहिवासी त्रस्त होते. या समस्येवर तातडीने लक्ष घालून मा. बाबूराव चांदेरे साहेबांनी नवीन ड्रेनेज लाईनसाठी आवश्यक निधी मंजूर करून घेतला.

आज मा. बाबूराव चांदेरे साहेबांच्या हस्ते या महत्त्वपूर्ण कामाचा शुभारंभ करण्यात आला. राष्ट्रवादी काँग्रेसचे पुणे शहर उपाध्यक्ष राहुलदादा बालवडकर आणि राष्ट्रवादी काँग्रेसचे पुणे शहर युवक अध्यक्ष यांचीही या कार्यक्रमास उपस्थिती होती.

“रावी नगरमधील नागरिक अनेक महिन्यांपासून ड्रेनेज समस्येला सामोरे जात होते. नवीन ड्रेनेज लाईनमुळे परिसरातील पाणी तुंबण्याचा प्रश्न कायमस्वरूपी सुटणार असून नागरिकांना स्वच्छ आणि आरोग्यदायी वातावरण मिळेल. या कामासाठी पाठपुरावा करून निधी मंजूर करून घेतल्याबद्दल मा. बाबूराव चांदेरे साहेबांचे मनःपूर्वक आभार!” – समीर चांदेरे (युवक अध्यक्ष राष्ट्रवादी काँग्रेस पुणे शहर)