बाणेर परिसरात ननवरे चौक ते पॅनकार्ड रस्त्याच्या कामाला तिसऱ्या दिवशी देखील चांदेरे यांच्या उपस्थितीत वेग…

बाणेर :

बाणेर परिसरातील नागरिकांची अनेक वर्षांची प्रतीक्षा अखेर संपुष्टात आली आहे. ननवरे चौक ते पॅनकार्ड क्लब रस्ता कामाने तिसऱ्या दिवशीही वेग घेतला असून परिसरातील पायाभूत सुविधांमध्ये मोठी भर पडली आहे. या रस्त्यामुळे केवळ ननवरे चौकच नव्हे तर बाणेर, बालेवाडी, सूस व म्हाळुंगे भागातील वाहतुकीची समस्या दूर होऊन प्रवास अधिक सुरळीत आणि सुरक्षित होणार आहे.

नागरिकांनी सातत्यपूर्ण पाठपुरावा करून व बैठकींतून ठोस मांडणी करून हे काम मार्गी लावले. त्यामुळे आज या विकासकामाला प्रत्यक्ष गती मिळाली आहे. परिसरातील सोसायट्यांमधील नागरिक दररोज कामाची पाहणी करत असून समाधान व्यक्त करत आहेत.

पुणे महानगरपालिकेचे माजी स्थायी समिती अध्यक्ष बाबुराव चांदेरे यांच्या उपस्थितीत हे काम गतीने सुरू आहे. यावेळी पुणे शहर राष्ट्रवादी काँग्रेसचे उपाध्यक्ष राहुल बालवडकर आणि पुणे शहर राष्ट्रवादी काँग्रेस युवक अध्यक्ष समीर चांदेरे हे देखील उपस्थित होते.

रस्त्याच्या माध्यमातून केवळ वाहतुकीची सोयच सुधारत नाही, तर परिसराचे संपूर्ण स्वरूप बदलत असल्याचे नागरिकांनी सांगितले. बाणेरवासीयांनी आपल्या हक्कांसाठी सजगतेने भूमिका घेतल्यामुळे हा विकास साध्य झाला असून हा बदल सकारात्मक दिशेने वाटचाल करणारा ठरत आहे.