सूसगाव येथे सुहास भोते यांच्या जनसंपर्क कार्यालयाला उच्च व तंत्र शिक्षण मंत्री चंद्रकांत पाटील यांची सदिच्छा भेट..

सूसगाव :

राज्याचे उच्च व तंत्र शिक्षण मंत्री नामदार चंद्रकांतदादा पाटील यांनी सूसगाव येथील मा. उपसरपंच सुहास भोते यांच्या जनसंपर्क कार्यालयाला आज सदिच्छा भेट देऊन शुभेच्छा दिल्या. या भेटीमुळे गावात उत्साहाचे वातावरण पाहायला मिळाले.

भेटीप्रसंगी दादांनी सूसगाव परिसरातील विकासकामांविषयी माहिती घेतली तसेच स्थानिक कार्यकर्त्यांशी संवाद साधला. यावेळी सुहास भोते यांनी सहपरिवार त्यांचे पुष्पगुच्छ देऊन स्वागत केले.

या वेळी कोथरूड विधानसभा भाजपा उत्तर मंडल अध्यक्ष लहू बालवडकर, माजी नगरसेविका ज्योती कळमकर, माजी नगरसेविका स्वप्नाली सायकर, भाजपा नेते गणेश कळमकर, प्रल्हाद सायकर, भाजपा नेते प्रकाश तात्या बालवडकर, सरचिटणीस सचिन दळवी, ग्रामपंचायत सदस्या धनश्री भोते, भाजपा नेते राहुल कोकाटे, शरद भोते, भाजपा युवा मोर्चा उत्तर मंडल अध्यक्ष अनिकेत चांदेरे, शिवम बालवडकर, गंगाराम मातेरे, नानासाहेब ससार, मा. चेअरमन दिनेश ससार, नवनाथ चांदेरे, मा. उपसरपंच सचिन चांदेरे, मा. उपसरपंच मनिष चांदेरे, मा. चेअरमन तसेच इतर मान्यवर उपस्थित होते.

या भेटीनंतर उपसरपंच सुहास भोते यांनी दादांचे मनःपूर्वक आभार मानले. त्यांनी सांगितले की, “चंद्रकांतदादांच्या मार्गदर्शनामुळे गावातील विकासकामांना नवे बळ मिळेल. त्यांच्या सदिच्छा भेटीमुळे कार्यकर्त्यांमध्ये नवी ऊर्जा निर्माण झाली आहे.”

सूसगावमधील ही सदिच्छा भेट कार्यकर्त्यांसाठी आणि ग्रामस्थांसाठी प्रेरणादायी ठरली.