बाणेरमधील नक्षत्र सोसायटीच्या समस्या मार्गी लावण्याचे समीर चांदेरे यांचे आश्वासन

बाणेर :

पुणे शहर राष्ट्रवादी काँग्रेसचे युवक अध्यक्ष समीर चांदेरे यांनी बाणेरमधील मोहननगर येथील नक्षत्र सोसायटीमध्ये आयोजित बैठकीत सहभाग घेतला. या बैठकीत सोसायटीच्या पदाधिकाऱ्यांनी त्यांच्या परिसरातील अनेक समस्या मांडल्या. यामध्ये प्रामुख्याने रस्त्यांची दुरवस्था, पाणीपुरवठा, आणि कचरा व्यवस्थापनाशी संबंधित प्रश्न होते.

या सर्व समस्यांवर समीर चांदेरे यांनी सविस्तर चर्चा केली. यावेळी, पुणे महानगरपालिकेचे माजी स्थायी समिती अध्यक्ष बाबुराव चांदेरे यांच्या मार्गदर्शनाखाली या सर्व समस्या लवकरात लवकर सोडवण्याचे आश्वासन त्यांनी सोसायटीच्या सदस्यांना दिले.

याप्रसंगी बोलताना समीर चांदेरे म्हणाले की, “सोसायटीमधील रहिवाशांच्या मूलभूत गरजा पूर्ण करणे हे आमचे कर्तव्य आहे. आम्ही नक्षत्र सोसायटीच्या समस्यांना गांभीर्याने घेतले असून, प्रशासकीय स्तरावर पाठपुरावा करून यावर तातडीने उपाययोजना करू. नागरिकांना उत्तम सुविधा मिळाव्यात यासाठी आम्ही कटिबद्ध आहोत.”

या बैठकीला सोसायटीचे पदाधिकारी आणि स्थानिक रहिवासी मोठ्या संख्येने उपस्थित होते. समीर चांदेरे यांनी दिलेल्या आश्वासनामुळे रहिवाशांमध्ये समाधान व्यक्त करण्यात आले.