चैतन्य विद्या प्रतिष्ठानच्या पेरिविंकल इंग्लिश मीडियम स्कूल, बावधन, येथे विद्यार्थ्यांचा इंवेस्टिचर समारंभ उत्साहात संपन्न

बावधन (७ ऑगस्ट २०२५) :

पेरिविंकल इंग्लिश मिडीयम स्कूल आणि ज्युनियर कॉलेज, बावधन, येथे दिनांक ७ ऑगस्ट रोजी विद्यार्थ्यांचा इंवेस्टिचर समारंभ अत्यंत उत्साह आणि शिस्तबद्ध पद्धतीने पार पडला.

समारंभाची सुरुवात march past सोबत पाहुण्यांच्या स्वागताने करण्यात आली. संस्थेच्या संचालिका रेखा बांदल मॅडम आणि शिवानी बांदल मॅडम यांनी, आलेल्या पालक प्रतिनिधींसोबत दीप प्रज्वलन केले.

संस्थेचे अध्यक्ष श्री. राजेंद्र बांदल सर, संस्थेच्या संचालिका सौ. रेखा बांदल मॅडम आणि कु. शिवानी बांदल मॅडम, यांच्या हस्ते विद्यार्थ्यांना पदचिन्हे (badges) प्रदान करण्यात आले. स्कूल कॅप्टन, व्हाईस कॅप्टन, हाऊस लीडर्स, अनुशासन प्रमुख, हेड गर्ल, हेड बॉय, विद्यार्थी प्रतिनिधी इत्यादी विविध पदांवर विद्यार्थ्यांची नियुक्ती करण्यात आली.

बांदल सर, रेखा बांदल मॅडम आणि शिवानी बांदल मॅडम यांनी आपल्या भाषणात नेतृत्व, जबाबदारी, प्रामाणिकपणा आणि सेवाभाव या मूल्यांवर भर दिला. त्यांनी नविन पदाधिकाऱ्यांना शपथ देत त्यांच्याकडून कर्तव्यनिष्ठेची अपेक्षा व्यक्त केली.

या समारंभात विद्यार्थ्यांना जबाबदाऱ्या सोपवून त्यांना नेतृत्वगुणांची जाणीव करून देण्यात आली.
या समारंभात पालक, शिक्षकवृंद आणि विद्यार्थी मोठ्या संख्येने उपस्थित होते. पालकांनी देखील आपले मनोगत व्यक्त करत शाळेचे अन् विद्यार्थ्यांचे कौतुक केले. विद्यार्थ्यांच्या चेहऱ्यावर आत्मविश्वास आणि आनंद झळकत होता. हा समारंभ विद्यार्थ्यांना नवे प्रेरणास्थान ठरला.
शाळेचे PT शिक्षक, श्री. सूरज साठे आणि श्री. विशाल ताकमोघे यांनी विद्यार्थ्याकडून मार्चपास्ट चे उत्तमरित्या सादरीकरण करून घेतले.

संपूर्ण कार्यक्रमाचे आयोजन आणि अंमलबजावणी शाळेच्या मुख्याध्यापीका सौ. शुभदा कोलते यांच्या मार्गदर्शनाखाली, शाळा पर्यवेक्षिका सौ. प्रज्ञा जोशी, शाळा समन्वयिका सायली गायकवाड व शिरीन काझी यांनी अत्यंत नेटकेपणाने, शिस्तबद्ध व कौशल्याने पार पाडले.