बाणेर :
बाणेर येथील अंबर सोसायटीसह इतर रहिवाशी संकुलातील नागरिकांच्या समस्या सोडवण्यासाठी राष्ट्रवादी काँग्रेस पक्षाचे पुणे शहर युवक अध्यक्ष समीर चांदेरे यांनी पुढाकार घेतला आहे. नुकत्याच झालेल्या बैठकीनंतर आज त्यांनी महानगरपालिकेचे अधिकारी आणि स्थानिक रहिवाशांसह बाणेर-सूस हद्दीतील प्रलंबित विकासकामांची पाहणी केली. या कामांना लवकरच गती देऊन ती मार्गी लावण्याचे आश्वासन त्यांनी यावेळी दिले.
मा. स्थायी समिती अध्यक्ष मा. श्री. बाबुराव चांदेरे यांच्या मार्गदर्शनाखाली अंबर सोसायटीसह इतर रहिवाशी संकुलातील सदस्यांसोबत विविध समस्यांवर नुकतीच सखोल चर्चा करण्यात आली होती. या चर्चेच्या अनुषंगानेच आज पाहणी दौरा आयोजित करण्यात आला होता.
प्रलंबित समस्यांची पाहणी
या पाहणी दौऱ्यात बाणेर-सूस परिसरातील २४ मीटरचा अपूर्ण डीपी रस्ता, पदपथ, पथदिवे आणि ड्रेनेज यासारख्या प्रलंबित कामांची पाहणी करण्यात आली. या समस्यांमुळे स्थानिक नागरिकांना अनेक अडचणींचा सामना करावा लागत आहे.
सोसायटीमधील रहिवाशांच्या मागण्या समजून घेतल्यानंतर समीर चांदेरे यांनी महानगरपालिका अधिकाऱ्यांशी चर्चा केली. रहिवाशांच्या मागणीनुसार, ही सर्व प्रलंबित कामे महानगरपालिका अधिकाऱ्यांच्या सहकार्याने तातडीने पूर्ण करून लवकरच मार्गी लावण्याबाबत त्यांनी रहिवाशांना आश्वस्त केले. यामुळे बाणेर-सूस परिसरातील नागरिकांनी समाधान व्यक्त केले आहे.
More Stories
“उच्च तंत्र की तंत्रमंत्र? अमोल बालवडकरांचा भोंदू खरात सोबत फोटो वरून चंद्रकांत पाटील यांच्यावर निशाणा”
औंध ग्रामदैवत भैरवनाथ महाराज उत्सव ३ मे रोजी; ग्रामसभेत तारीख जाहीर
लहानग्यांच्या स्वप्नांना मिळाले पंख: पेरिविंकल पिरंगुटमध्ये सीनियर केजी ग्रॅज्युएशन डे जल्लोषात साजरा!!!