” पेरिविंकल इंग्लिश मिडीयम स्कूल अँड ज्युनियर कॉलेज पिरंगुट शाळेत विज्ञान आणि संस्कृतीचा धमाल संगम!”

पिरंगुट :

पेरिविंकल इंग्लिश मिडीयम स्कूल अँड ज्युनियर कॉलेज, पिरंगुट येथे मराठी भाषा दिन आणि राष्ट्रीय विज्ञान दिन यांचा अनोखा संगम पाहायला मिळाला. विद्यार्थी आणि शिक्षकांनी विज्ञानाची गूढता आणि मराठी संस्कृतीची समृद्धता यांचा अनोखा मिलाफ साजरा करत एक संस्मरणीय सोहळा रंगवला.

कार्यक्रमाची सुरुवात सी. व्ही. रमन आणि कुसुमाग्रज यांच्या प्रतिमा पूजनाने झाली, त्यानंतर मराठी नाटक, विज्ञान नाटक आणि फॅशन शो ने रंगत वाढवली. विज्ञानाचे महत्व सादरीकरणातून पटवून देत विद्यार्थ्यांनी मनोरंजन आणि ज्ञानाचा उत्तम संगम साधला. नृत्याच्या बहारदार सादरीकरणांनी प्रेक्षकांची मने जिंकली आणि उत्साहाला नवा उधाण दिले.शाळेच्या मुख्याध्यापकांनी विद्यार्थ्यांचे कौतुक करत सांगितले की, “संस्कृती आणि विज्ञान यांचा समतोल साधल्यानेच समाजाचा विकास शक्य आहे!”

हा अनोखा उपक्रम विद्यार्थ्यांसाठी प्रेरणादायी ठरला आणि शाळेच्या सर्वांगीण विकासाच्या दृष्टीकोनाचे उत्तम उदाहरण म्हणून यशस्वीरीत्या पार पडला.या शानदार सोहळ्याच्या शेवटी संस्थापक श्री. राजेंद्र बांदल, संचालिका रेखा बांदल, संचालिका शिवानी बांदल, मुख्याध्यापिका निर्मल पंडीत आणि सर्व पर्यवेक्षक यांनी सर्वांच्या मेहनतीची प्रशंसा केली तसेच यांनी विद्यार्थ्यांचे कौतुक करताना विज्ञानाची जिज्ञासा आणि मराठी संस्कृतीचा अभिमान जोपासण्याचे महत्त्व पटवून दिले. कार्यक्रमाचे सूत्रसंचालन गौरी शिंदे आणि पूजा पाटील यांनी केले. सर्वांनी मराठी भाषा आणि विज्ञान यांचा सुंदर संगम घडवत आजचा दिवस संस्मरणीय केला. हा उत्साह आणि ज्ञानाची ओढ अशीच कायम राहो.कार्यक्रमाच्या यशस्वी आयोजनासाठी मुख्याध्यापिका यांच्या मार्गदर्शनाखाली पर्यवेक्षिका इंदू पाटील, पूनम पांढरे, सना इनामदार,पल्लवी नारखेडे तसेच शिक्षक व शिक्षकेतर कर्मचाऱ्यांनी विशेष मेहनत घेतली.