सुपर सनी विक क्रीडा महोत्सवांतर्गत ‘पुणे ट्वीन सिटी मॅरेथॉनला’ उत्स्फूर्त प्रतिसाद..

विशाल बनसोडे, राणी मुचांडी, धुळदेव घागरे आणि रविना गायकवाड यांना विजेतेप

बालेवाडी :

पुण्यातील लोकप्रिय युवा सामाजिक कार्यकर्ते आणि माजी नगरसेवक सनी विनायक निम्हण यांच्या वाढदिवसानिमित्त सोमेश्वर फाउंडेशनच्या वतीने आयोजित सुपर सनी विक क्रीडा महोत्सव अंतर्गत पुणे ‘ट्वीन सिटी मॅरेथॉन – रन फॉर अमृतकाल’ स्पर्धेला उत्स्फूर्त प्रतिसाद मिळाला.

स्पर्धेत एकूण 25,783 धावपटूंनी सहभाग घेतला. पुणे आणि पिंपरी-चिंचवड शहराला जोडणारी आणि व्यसनमुक्तीचा संदेश देणारी ही मॅरेथॉन पुणे जिल्हा हौशी अ‍ॅथलेटिक संघटनेच्या मान्यतेने आणि सहकार्याने पार पडली.

स्पर्धेतील प्रमुख विजेते:

21 किलोमीटर (मुले)
विशाल बनसोडे – 01:05:24 सेकंद
रामेश्वर मुंजाल – 01:08:29 सेकंद
बबलू चव्हाण – 01:11:12 सेकंद

21 किलोमीटर (मुली)
राणी मुचांडी – 01:22:03 सेकंद
शितल तांबे – 01:26:23 सेकंद
संगीता पी – 01:33:57 सेकंद

10 किलोमीटर (मुले)
धुळदेव घागरे – 29:21 सेकंद
अतुल बर्डे – 29:24 सेकंद
दाजी हुबले – 30:43 सेकंद

10 किलोमीटर (मुली)
रविना गायकवाड – 35:58 सेकंद
मानसी यादव – 39:19 सेकंद
अंजू – 47:10 सेकंद

स्पर्धेचे आयोजन आणि पारितोषिक वितरण

ही मॅरेथॉन म्हाळुंगे-बालेवाडी येथील श्री शिवछत्रपती क्रीडा संकुलात पहाटे ५ वाजता सुरू झाली. स्पर्धेतील विजेत्यांना करंडक आणि ५,५५,५५५ रुपयांची पारितोषिके प्रदान करण्यात आली.

स्पर्धेचे पारितोषिक वितरण आमदार सिद्धार्थ शिरोळे, सोमेश्वर फाउंडेशनच्या संचालिका स्वाती निम्हण, माजी नगरसेवक सनी निम्हण, मधुरा निम्हण, पीसीएमसीचे नगरसेवक अमित गावंडे, एव्हरेस्टर किशोर धनकुडे, एअर व्हाइस मार्शल नितीन वैद्य (निवृत्त), महाबळेश्वर देशपांडे यांच्या हस्ते करण्यात आले. यावेळी रेस डायरेक्टर यश रायकर आदी मान्यवर उपस्थित होते.

स्पर्धेचे वैशिष्ट्य

स्पर्धा 21 किमी, 10 किमी, 5 किमी आणि 3 किमी या गटांमध्ये पार पडली. या मॅरेथॉनमधून पुणे व पिंपरी-चिंचवड शहरांमध्ये आरोग्यवर्धक जीवनशैलीचा प्रचार आणि व्यसनमुक्तीचा संदेश देण्याचा उद्देश होता.

आरोग्य आणि क्रीडाविषयी जनजागृतीसाठी महत्वपूर्ण पाऊल

या यशस्वी स्पर्धेद्वारे पुणेकरांमध्ये आरोग्य, फिटनेस आणि क्रीडा संस्कृती रुजवण्यासाठी एक महत्वपूर्ण पाऊल टाकले गेले. पुढील वर्षी हा क्रीडा महोत्सव अधिक भव्य स्वरूपात होईल अशी अपेक्षा व्यक्त करण्यात आली.