बालेवाडी गाव चौकात राहुलदादा बालवडकर यांच्या माध्यमातुन रस्ता डांबरीकरण, बसण्यासाठी बेंच आणि वाचनालयाचा शुभारंभ

बालेवाडी :

शिवजयंतीनिमित्त बालेवाडी गावाच्या चौकामध्ये डांबरीकरण करून नागरिकांसाठी बसण्यासाठी बेंच आणि वाचनालयाची सुविधा राष्ट्रवादी काँग्रेस पार्टीचे पुणे शहर उपाध्यक्ष राहुल दादा बालवडकर यांच्या वतीने उपलब्ध करून देण्यात आली.

यावेळी माजी सरपंच अंकुशराव बालवडकर यांच्या हस्ते वाचनालयाचे उद्घाटन करण्यात आले. यावेळी प्रकाश तात्या बालवडकर, मोरेश्वर नाना बालवडकर, शाम भाऊ बालवडकर, तुषार बालवडकर, विशाल बालवडकर, नरेंद्र बालवडकर यांसह ग्रामस्थ मोठ्या संख्येने उपस्थित होते.

गावाच्या सौंदर्यात आणि नागरिकांच्या सोयीसाठी करण्यात आलेल्या या उपक्रमाचे ग्रामस्थांनी स्वागत केले. चौकामध्ये डांबरीकरण झाल्याने आता ये-जा अधिक सोयीस्कर होणार असून, बसण्यासाठी बेंच आणि वाचनालयामुळे नागरिकांना आराम व ज्ञानाचा आनंद घेता येणार आहे.