मुक्ताई नगर, बालेवाडी येथील पाणी समस्या लवकरच मार्गी : अमोल बालवडकर

बालेवाडी :

मुक्ताई नगर, बालेवाडी येथील महिलांनी परिसरातील पाणीटंचाईच्या समस्येची तक्रार माजी नगरसेवक अमोल बालवडकर यांच्याकडे मांडली. त्यांनी तातडीने या समस्येची दखल घेत पुणे महानगरपालिका पाणीपुरवठा विभागाचे अभियंते व L&T कंपनीच्या अभियंत्यांसह जागेवर जाऊन पाहणी केली.

यावेळी त्यांनी संबंधित अधिकाऱ्यांना तातडीने नवीन पाईपलाईन टाकण्याच्या सूचना दिल्या. पुढील पाच दिवसांत ही समस्या सोडवली जाईल, असे त्यांनी स्पष्ट केले. या पाहणीदरम्यान पाणी पुरवठा विभागाचे अभियंता अनुप गजेलवार, L&T चे अभियंते मनोज चव्हाण, सचिन नायक, पथ विभाग अभियंता योगिता भामरे तसेच परिसरातील महिला भगिनी उपस्थित होत्या.

प्रामाणिक काम, विकासावर ठाम! – या भूमिकेनुसार  नागरिकांच्या समस्या तत्परतेने सोडवण्यासाठी पुढाकार घेतला असून, लवकरच मुक्ताई नगर येथील पाणी समस्या दूर होणार आहे.

– अमोल बालवडकर (माजी नगरसेवक)