आपण आदर्श कुणाला मानतो यावर आपला व्यक्तिमत्व विकास होतो – मा. राजेंद्रजी बांदल (संस्थापक अध्यक्ष पेरिविंकल स्कुल मुळशी)

आंबवणे :

कोराईगड शिक्षण संस्था संचालित , सोनू अनाजी वाळंज माध्यमिक विद्यालय आंबवणे या प्रशाळेचा वार्षिक स्नेह संमेलन व पारितोषिक वितरण समारंभ पार पडला.

या प्रसंगी मुळशी तालुक्यातील चैतन्य शिक्षण संस्थेचे संस्थापक अध्यक्ष पेरिविंकल शाळेचे सर्वेसर्वा मा. राजेंद्रजी बांदल, मुळशी पत्रकार संघ अध्यक्ष मा विनोद माजिरे, संदीप ढमडेरे, आकाश धावले हे प्रमुख पाहुणे होते. कोराईगड शिक्षण संस्थेचे संस्थापक अध्यक्ष मा. नंदकुमार वाळंज हे कार्यक्रमाच्या अध्यक्ष स्थानी होते. संस्था खजिनदार गणपतदादा मेंगडे, संचालिका व मा. आदर्श सरपंच आंबवणे मा.वत्सलाताई वाळंज,मा. उप सरपंच आंबवणे सुनील हुंडारे, विद्यमान उपसरपंच आंबवणे निलेश मेंगडे सामाजिक कार्यकर्ते मा सुरेश दादा कालेकर, ग्रामपंचायत सदस्या मेघाताई नेवासकर अक्षराताई दळवी, ग्रामपंचायत सदस्य ज्ञानेश्वर लोहकरे, पोलीस पाटील गणेश दळवी, उद्योजक कॅनरी आयरल्यांड मिलिंददादा वाळंज व सागर दादा वाळंज या प्रमुख पाहुण्यांच्या उपस्थितीत दीप प्रज्वलन करून कार्यक्रमाची सुरवात केली.

मान्यवरांचे स्वागतगीतातुन स्वागत केले. नारायण दळवी अद्यक्ष शाळा व्यवस्थापन समिती, भटू देवरे मुख्याध्यापक, उल्हास मानकर उपाध्यक्ष शाळा व्यवस्थापन समिती , योगेश वाळंज अध्यक्ष पालक शिक्षक संघ सोपान दळवी शालेय पोषण आहार समिती यांच्या शुभ हस्ते मान्यवरांचा सन्मान करण्यात आला.श्री भटू देवरे मुख्याध्यापक यांनी वार्षिक अहवालाच्या वाचनातून प्रास्ताविकाचे वाचन केले.

मान्यवरांच्या शुभ हस्ते सर्वच स्पर्धेत पारितोषिक पात्र विद्यार्थ्यांना पारितोषिक वाटप करण्यात आले.

मा. राजेंद्रजी बांदल आपल्या भाषणात म्हणाले की, विद्यार्थी मित्रानो आपण आदर्श कुणाला मानतो यावर आपला व्यक्तिमत्व विकास होत असतो. त्यामुळे आयुष्यात निश्चित ध्येय गाठण्यासाठी आपला आदर्श कोण आहे यावर आपले यश प्राप्त होत असते.

तर नंदकुमार वाळंज यांनी विद्यार्थ्यांना मार्गदर्शन अध्यक्षीय भाषणात केले.

विद्यालयाचा आदर्श विद्यार्थी साईराज राऊत व आदर्श विद्यार्थिनी आर्या मेंगडे व शर्वरी वाळंज यांचा विशेष सन्मान करण्यात आला. विद्यार्थ्यांनी विविध ऐतिहासिक गाण्यांवर नृत्य अविष्कार सादर केला.

याप्रसंगी यशवंत माताळे,अनंता वाळंज, नवनाथ दळवी, गणेश वाळंज, सचिन चव्हाण,विनायक तोंडे,अंकुश माताळे,विघ्नेश दळवी मनोज गवळी,मंदाताई वाळंज राजू तोंडे सुनील वाळंज, ज्ञानेश्वर तोंडे, रघुनाथ भिवडे,गुरूदास मेने उपस्थित होते. सांस्कृतिक विभाग प्रमुख रविंद्र सोनवणे यांच्या बरोबर बाळासाहेब खेडकर, राहुल आवळे, विजय दळवी, शालिनी देवरे, संतोष दळवी , महादेव खेडकर यांनी परिश्रम घेतले. तर संजय कुलथे यांनी सूत्रसंचालन केले. कार्यक्रमास मोठ्या संख्येने आजी माजी पदाधिकारी व पालक उपस्थित होते.