बालेवाडी येथील श्री खंडेराय प्रतिष्ठान शिक्षण संकुलात 76 वा प्रजासत्ताक दिन प्रमुख पाहुण्यांनी विद्यार्थ्यांच्या हस्ते ध्वज फडकवत वेगळ्या पध्दतीने केला साजरा..

बालेवाडी :

श्री खंडेराय प्रतिष्ठान बालेवाडी येथील शिक्षण संकुलात 76 वा प्रजासत्ताक दिन साजरा झाला तो म्हा. तू. बालवडकर विद्यालय आणि कनिष्ठ महाविद्यालय विद्यार्थ्यांच्या प्रभात फेरीने! तब्बल 1500 विदयार्थ्यांनी बालेवाडी येथे प्रभात फेरी काढून संविधानाचे महत्व समजावून सांगणारे फलक हा प्रभात फेरीचा खास आकर्षण बिंदू ठरला. प्रजासत्ताक दिनाच्या या प्रसंगी विशेष उपस्थिती होती ती रिटायर्ड मेजर राहुल मोरे यांची.

सैन्यात देशासाठी कर्तव्य पार पडताना आलेले अनुभव सांगत असताना प्रत्येक विद्यार्थी अतिशय तन्मयतेने आणि भावुकतेने मोरे सरांना प्रतिसाद देत होता. “माझी देशासाठी सेवा झाली आणि होत राहील, मात्र विद्यार्थी हा देशाचे भविष्य आहे म्हणून ध्वज हा विद्यार्थ्यांनी फडकवला पाहिजे ”असे सांगून मेजर मोरे यांनी उपास्थितांची मने जिंकली.

शिक्षक आणि आई वडील हे आपल्या हितासाठी झटत असतात त्यामुळे शिस्त लावण्यासाठी वेळ प्रसंगी कठोर पाऊले त्यांनी उचलली तर विद्यार्थ्यांनी त्याचा सकारात्मक परिणाम करून घेणे अपेक्षित असते असे संस्थेचे संस्थापक अध्यक्ष श्री गणपतराव बालवडकर यांनी सांगितले.

त्याच बरोबर आपली स्पर्धा ही आपल्याशी असून स्वतः बरोबर प्रामाणिक राहून कार्य केले तर उत्तम व्यक्ती निर्माण होतील आणि उत्तम समाज निर्माण झाला तर राष्ट्र आपोआपच बळकट बनते असे संस्थेचे सचिव डॉ सागर बालवडकर यांनी सांगितले.

सी एम इंटरनॅशनल स्कुल आणि म्हा तू. बालवडकर विद्यालयच्या विद्यार्थ्यांनी अतिशय शिस्तबद्ध मार्च पास्ट करून झेंड्याला सलामी दिली त्याच बरोबर देशभक्ती पर गीतांवर अतिशय सुंदर नृत्यप्रदर्शन केले.

संपूर्ण कार्यक्रमाचे सूत्र संचलन हे सौं गुंजाळ यांनी केले.
प्राचार्य श्री दत्तात्रय डफळ यांनी पाहुण्यांचे आभार मानले. सदर कार्यक्रमासाठी संस्थेचे सर्व पदाधिकारी आणि नवचैतन्य हास्य योग परिवारातील सदस्य आणि ऍडव्होकेट माशाळकर उपस्थित होते.