सोमेश्वर वाडी येथील मनपा शाळा क्रमांक 11 मध्ये पालक सभा घेत करण्यात आली मतदार जनजागृती…

सोमेश्वर वाडी :

सोमेश्वर वाडी येथील मनपा शाळा क्रमांक 11 कै.पद्मभूषण वसंत दादा पाटील प्राथमिक विद्यालय येथे उचाळे साहेब व मेमान मॅडम यांच्या मार्गदर्शनाखाली मतदार जनजागृती करण्याकरिता शाळेतील विद्यार्थ्यांच्या पालकांची पालक सभा घेण्यात आली.

सभेचे अध्यक्षस्थानी शाळेच्या मुख्याध्यापिका मनीषा चौधरी या होत्या. यावेळी लाटे सर यांनी मतदार जनजागृती विषयी विविध उपक्रमांची माहिती सांगितली. मनीषा केतकर यांनी विद्यार्थ्यांकडून मतदार जनजागृती पथनाट्याचे सादरीकरण करून घेतले.

यावेळी मुख्याध्यापिका चौधरी मॅडम, घुले सर, उचाळे सर यांनी पालकांना मतदानासंदर्भात मार्गदर्शन केले. विद्यार्थ्यांसाठी घेण्यात आलेल्या मतदान जनजागृती स्पर्धेमध्ये नंबर मिळविलेल्या विद्यार्थ्यांना बक्षिस वितरण करण्यात आले.

या कार्यक्रमासाठी शालेय व्यवस्थापन समितीचे अन्सर सय्यद व पालक मोठ्या संख्येने उपस्थित होते. कार्यक्रमाचे सूत्रसंचालन सुवर्णा मम्हाने यांनी तर आभार प्रदर्शन कुसुम पारधी यांनी केले.