नवरात्री उत्सवानिमित्त समीर चांदेरे यांनी घेतल्या बाणेर येथील विविध सोसायट्यांच्या भेटी, नागरी समस्या सोडविण्यासाठी प्रयत्न..

बाणेर :

बाणेर येथील प्लॅटिनम सोसायटी मध्ये नवरात्र उत्सव मोठ्या उत्साहात साजरा केला जातो या उत्सवाला राष्ट्रवादी युवक काँग्रेसचे अध्यक्ष समीर चांदेरे यांनी भेट दिली. यावेळी त्यांनी दुर्गा मातेचे दर्शन घेतल्यानंतर सोसायटी मधील नागरिकांनी त्यांना आरती घेण्याचा मान देऊन सन्मान केला. तसेच चांदेरे यांनी चाकणकर मळा येथील आविष्कार सोसायटीला भेट दिली.

सोसायटी वर्ग आपल्या संस्कृतीचे जतन करत सण उत्सव मोठ्या उत्साहात साजरा करत असतात. नवरात्री उत्सवाचे निमित्त साधून विविध सोसायट्यांना भेट देऊन तेथील नागरिकांची भेट घेत नागरी समस्या जाणून घेत पुणे मनपाचे माजी स्थायी समिती अध्यक्ष मा.बाबुराव चांदेरे साहेबांच्या मार्गदर्शनाखाली सोडविण्यासाठी प्रयत्न करत आहे. नागरिकांशी चर्चा केल्यानंतर त्यांच्या अनेक अडचणी समोर येतात त्या कशा सोडविल्या जातील यासाठी प्रयत्न करत आहे : समीर चांदेरे (युवक अध्यक्ष राष्ट्रवादी काँग्रेस पुणे शहर)