निष्क्रिय प्रशासनावर प्रहार! बाणेर येथे ट्रॅफिक समस्या, रस्ते खड्डे मुक्त व्हावे यासाठी विराट निषेध आंदोलन…

बाणेर :

बाणेर- बालेवाडी- सुस- म्हाळुंगे- पाषाण येथील ट्रॅफिक समस्या सोडविण्याच्या अनुषंगाने रस्ते खड्डे मुक्त करणे, वॉर्डनची नेमणूक करणे, सिग्नल यंत्रणा कार्यान्वित करणे आणि बॅरिकेड बसवणे आदी मागण्यांच्या संदर्भात माजी नगरसेवक अमोल बालवडकर  आणि वरील समस्यांनी त्रस्त नागरिक यांच्या वतीने उद्या रविवार दि. ४ ऑगस्ट रोजी सकाळी १० वाजता राधा चौक, बाणेर येथे विराट निषेध आंदोलन करण्यात येणार आहे. 

बाणेर- बालेवाडी- सुस- म्हाळुंगे- पाषाण येथील ट्रॅफिक समस्यांमुळे नागरिकांची फार अडचण होत आहे. त्यातच खराब रस्ते, वाहतूक कोंडी सोडविण्यासाठी प्रशासनाची यंत्रणा कुचकामी ठरत आहे. या समस्या सोडविल्या जाव्यात म्हणून वारंवार प्रशासनाला विनंती करून देखील त्यांनी काहीच गांभीर्य न दाखविल्याने या निष्क्रिय प्रशासनाला जागे करण्यासाठी नागरीकांना सोबत घेऊन राधा चौक, बाणेर येथे विराट निषेध आंदोलन करण्यात येणार आहे. आपण सर्व रस्त्यावर उतरून आंदोलन केल्याशिवाय प्रशासन जागे होणार नाहि व आपल्या समस्या सोडविल्या जाणार नाहि म्हणून सर्वांनी उद्या या आंदोलनात सहभागी होऊन लढा देऊया : अमोल बालवडकर (माजी नगरसेवक)

आंदोलन कशासाठी ?

आंदोलनाचे महत्वाचे मुद्दे:

१.बाणेर- बालेवाडी- सुस- म्हाळुंगे- पाषाण येथील रस्त्यावर खड्डे की खड्ड्यावर रस्ते हेच कळत नाही.

२. प्रशासनाला वारंवार विनंती करून देखील प्रशासन निष्क्रिय 

३.बाणेर- बालेवाडी- सुस- म्हाळुंगे- पाषाण येथील ट्रॅफिक समस्या सोडविण्यासाठी, रस्त्यावरील खड्डे तातडीने बुजविण्यासाठी 

४.ट्रॅफिक  वॉर्डन ची संख्या वाढविण्यासाठी

५.NH4 येथे नविन अंडरपास होण्यासाठी 

६.NH4 सर्व्हिस रस्ता नीट करण्यासाठी 

७.बालेवाडी वाकड रस्ता लवकर सुरू होण्यासाठी

८. म्हाळुंगे-नांदे रस्ता नीट होण्यासाठी 

९.झोपलेल्या प्रशासनाला जागे करण्यासाठी विराट निषेध आंदोलन