औंध येथे रमजाननिमित्त इफ्तार पार्टीचे आयोजन..

औंध :

दरवर्षीप्रमाणे यंदाही औंध येथील मुस्लिम समाज व औंधगाव मस्जिद ट्रस्टच्या वतीने पवित्र रमजानच्या निमित्ताने सर्वपक्षीय व सर्वधर्मीय इफ्तार पार्टीचे आयोजन करण्यात आले होते. औंध परिसरातील सर्व पक्षांचे पदाधिकारी,सर्व धर्मातील मान्यवर, सामाजिक कार्यकर्ते यावेळी उपस्थित होते.

यावेळी पुणे लोकसभेचे कॉंग्रेसचे उमेदवार रविंद्र धंगेकर,शिवाजी नगरचे आमदार सिध्दार्थ शिरोळे, माजी नगरसेवक दत्ता बहिरट, कैलास गायकवाड, वाहतूक विभागाचे सहायक पोलिस आयुक्त जगदीश सातव, चतु:शृंगी पोलिस ठाण्याचे वरिष्ठ पोलीस निरीक्षक अनिल कुलकर्णी, वाहतूक विभागाचे पोलिस निरीक्षक एस.एस.पठाण, औंधगाव विश्वस्त मंडळाचे पदाधिकारी, औंधगाव मस्जिद ट्रस्टचे अल्लाउद्दीन पठाण, फैय्याज खान यांच्यासह सर्वपक्षीय पदाधिकारी, सामाजिक कार्यकर्ते, स्थानिक नागरिक उपस्थित होते.