*🌱 पर्यावरण दिनाने सूस शाखेतील पेरीविंकल इंग्लिश मीडियम स्कूल अँड ज्युनियर कॉलेजमध्ये शैक्षणिक वर्षाचा भव्य व प्रेरणादायी शुभारंभ!!*

पुणे (सूस), दि. ५ जून २०२६:

जागतिक पर्यावरण दिनाचे औचित्य साधून सूस येथील पेरीविंकल इंग्लिश मीडियम स्कूल अँड ज्युनियर कॉलेज येथे शैक्षणिक वर्ष २०२६–२७ चा श्रीगणेशा अत्यंत भव्य, शिस्तबद्ध आणि पर्यावरणपूरक वातावरणात करण्यात आला. संपूर्ण शाळा परिसर हरित संदेशांनी, विद्यार्थ्यांच्या घोषणांनी आणि उत्साही वातावरणाने भारावून गेला होता.

कार्यक्रमाची सुरुवात सकाळी विद्यार्थ्यांच्या भव्य जनजागृती रॅलीने झाली. विद्यार्थ्यांनी शिस्तबद्ध रांगा तयार करून हातात आकर्षक फलक घेतले होते. “A Green Planet is a Clean Planet”, “More Plants More Happiness”, “Keep Clean Make Green”, “Save Earth Save Future” अशा घोषणांनी संपूर्ण परिसर दुमदुमून गेला. रॅलीदरम्यान विद्यार्थ्यांचा उत्साह आणि पर्यावरणाबद्दलची जागरूकता स्पष्टपणे दिसून येत होती.
रॅलीनंतर शाळेच्या प्रांगणात औपचारिक उद्घाटन सोहळा पार पडला. या प्रसंगी शाळेचे संस्थापक अध्यक्ष मा. श्री राजेंद्र बांदल, संचालिका सौ. रेखा बांदल, सौ. शिवानी बांदल तसेच शाळेच्या प्रमुख प्राचार्या सौ. निर्मल पंडित यांची प्रमुख उपस्थिती होती. मान्यवरांच्या हस्ते क्रीडांगणाचे रिबन कापून उद्घाटन करण्यात आले. या प्रसंगी संपूर्ण शाळा परिवाराने टाळ्यांच्या गजरात मान्यवरांचे स्वागत केले.
उद्घाटनानंतर विद्यार्थ्यांनी सादर केलेले पर्यावरण विषयक पथनाट्य हे कार्यक्रमाचे मुख्य आकर्षण ठरले. इयत्ता नववीच्या विद्यार्थ्यांनी प्रदूषण, वृक्षतोड, प्लास्टिकचा अतिरेक, जलसंकट आणि पर्यावरण असंतुलन यावर आधारित अत्यंत प्रभावी सादरीकरण केले. नाटिकेतून “निसर्ग वाचवा तरच भविष्य वाचेल” हा संदेश ठळकपणे मांडण्यात आला. विद्यार्थ्यांच्या अभिनयाला उपस्थितांनी जोरदार दाद दिली.

यानंतर विद्यार्थ्यांनी पर्यावरण विषयक भाषणे सादर केली. प्रत्येक विद्यार्थ्याने आत्मविश्वासाने पर्यावरण संवर्धन, पाणी बचत, स्वच्छता, वृक्षारोपण आणि शाश्वत विकास यावर विचार मांडले. भाषणांमधून विद्यार्थ्यांची पर्यावरणाबद्दलची जाणीव आणि जबाबदारी स्पष्टपणे दिसून आली.

कार्यक्रमात शाळेच्या प्रमुख प्राचार्या सौ. निर्मल पंडित यांनी विद्यार्थ्यांना मार्गदर्शन करताना सांगितले की, पर्यावरण संरक्षण ही केवळ शालेय उपक्रमाची मर्यादा नसून ती प्रत्येक विद्यार्थ्याची जीवनशैली असली पाहिजे. त्यांनी विद्यार्थ्यांना रोज एक झाड लावणे, प्लास्टिकचा वापर कमी करणे आणि परिसर स्वच्छ ठेवण्याचा संकल्प करण्याचे आवाहन केले.

यानंतर कार्यक्रमाचा अत्यंत महत्त्वाचा टप्पा म्हणजे क्रीडांगण उद्घाटनानंतर वृक्षारोपण उपक्रम. शाळेच्या नवीन विकसित क्रीडांगण परिसरात विविध प्रकारची रोपे लावण्यात आली. विद्यार्थ्यांनी, शिक्षकांनी आणि मान्यवरांनी एकत्र येऊन झाडे लावली आणि त्यांचे संवर्धन करण्याची शपथ घेतली. “एक वर्ग – एक झाड” ही संकल्पना यावेळी प्रभावीपणे राबविण्यात आली.
या संपूर्ण कार्यक्रमादरम्यान शिस्त, नियोजन आणि समन्वय यांचे उत्कृष्ट दर्शन घडले.

या संपूर्ण कार्यक्रमाचे आयोजन शाळेच्या मुख्याध्यापिका सौ. निर्मल पंडित यांच्या अध्यक्षतेखाली उपमुख्याध्यापक योगिता ढाणे यांच्या नेतृत्वाखाली पर्यवेक्षक सचिन खोडके आणि नेहा माळवदे तसेच सर्व शिक्षक व शिक्षकेतर कर्मचारी यांच्या सहकार्याने अत्यंत शिस्तबद्ध पद्धतीने करण्यात आले होते.

कार्यक्रमाच्या शेवटी सर्व विद्यार्थ्यांनी पर्यावरण संरक्षणाची शपथ घेतली आणि “निसर्ग वाचवा – भविष्य घडवा” अशा घोषणांनी परिसर पुन्हा एकदा दुमदुमून गेला.

हा पर्यावरण दिन उपक्रम केवळ शाळेचा कार्यक्रम न राहता विद्यार्थ्यांमध्ये पर्यावरणाबद्दलची जाणीव निर्माण करणारा आणि समाजाला प्रेरणा देणारा एक आदर्श उपक्रम ठरला. 🌱