लहानग्यांच्या स्वप्नांना मिळाले पंख: पेरिविंकल पिरंगुटमध्ये सीनियर केजी ग्रॅज्युएशन डे जल्लोषात साजरा!!!

पिरंगुट :

चैतन्य विद्या प्रतिष्ठानच्या पेरिविंकल इंग्लिश मीडियम स्कूल अँड ज्युनियर कॉलेज, पिरंगुट येथे आज दिनांक १८ मार्च २०२६ रोजी सीनियर केजी विद्यार्थ्यांचा ग्रॅज्युएशन डे समारंभ अत्यंत उत्साहपूर्ण, आनंददायी आणि दिमाखदार वातावरणात साजरा करण्यात आला. लहानग्यांच्या शैक्षणिक प्रवासातील पहिल्या महत्त्वाच्या टप्प्याचे प्रतीक असलेल्या या समारंभाने उपस्थित पालक, शिक्षक आणि मान्यवरांना भावूक व अभिमानास्पद क्षण अनुभवायला मिळाले.

कार्यक्रमाची सुरुवात सकाळी ११:०० वाजता शाळेच्या सुंदर प्रांगणात करण्यात आली. संपूर्ण परिसर आकर्षक फुगे, रंगीबेरंगी सजावट, फुलांच्या आरास आणि थीमॅटिक डेकोरेशनने उजळून निघाला होता. लहान विद्यार्थ्यांच्या चेहऱ्यावरचा आनंद, उत्साह आणि आत्मविश्वास पाहून वातावरण अधिकच प्रसन्न झाले होते.

या विशेष कार्यक्रमाला संस्थापक श्री. राजेंद्र बांदल सर, संचालिका श्रीमती रेखा बांदल मॅडम, संचालिका कु. शिवानी बांदल मॅडम तसेच प्राचार्या व शाखा समन्वयक निर्मल पंडित मॅडम यांची प्रमुख उपस्थिती लाभली. मान्यवरांच्या उपस्थितीमुळे कार्यक्रमाची शोभा अधिकच वाढली. त्यांनी विद्यार्थ्यांचे कौतुक करत त्यांच्या उज्ज्वल भविष्यासाठी शुभेच्छा दिल्या.

समारंभादरम्यान विद्यार्थ्यांना त्यांच्या यशस्वी प्रवासाची नोंद म्हणून ग्रॅज्युएशन प्रमाणपत्रे प्रदान करण्यात आली. हा क्षण प्रत्येक विद्यार्थी आणि पालकांसाठी अत्यंत भावनिक आणि अभिमानास्पद ठरला. मान्यवरांनी विद्यार्थ्यांना पुढील शैक्षणिक वाटचालीत जिज्ञासा, आत्मविश्वास आणि चिकाटी जपण्याचा मौल्यवान संदेश दिला.

कार्यक्रमाच्या यशस्वीतेत ऋग्वेद हाऊसचा सहभाग विशेष उल्लेखनीय ठरला.

संपूर्ण कार्यक्रमाचे नियोजन हे पिरंगुट शाखेच्या प्राचार्या श्रीमती पूनम वर्मा मॅडम यांच्या मार्गदर्शनाखाली यशस्वीरित्या पार पडला. प्री-प्रायमरी विभाग प्रमुख श्रीमती पल्लवी नरखेडे आणि प्रायमरी विभाग प्रमुख श्रीमती सना इनामदार यांनी शिक्षकांच्या सहकार्याने कार्यक्रमाचे बारकाईने नियोजन करून त्याची प्रभावी अंमलबजावणी केली.

ग्रॅज्युएशन गाऊन आणि टोपी परिधान केलेल्या चिमुकल्या विद्यार्थ्यांनी अतिशय आकर्षक आणि आत्मविश्वासपूर्ण रूप धारण केले होते. या लहान पदवीधरांनी सादर केलेली नृत्ये, गाणी, समूह सादरीकरणे आणि विविध सांस्कृतिक उपक्रम प्रेक्षकांसाठी विशेष आकर्षण ठरले. प्रत्येक सादरीकरणात विद्यार्थ्यांचा आत्मविश्वास, सर्जनशीलता आणि आनंद स्पष्टपणे दिसून येत होता. पालकांनीही टाळ्यांच्या कडकडाटात आपल्या मुलांचे उत्साहाने कौतुक केले.

कार्यक्रमाचे सूत्रसंचालन कु. स्वाती पवार आणि श्रीमती सायली ओंबासे यांनी अत्यंत प्रभावी आणि उत्साही पद्धतीने केले. त्यांनी कार्यक्रमातील प्रत्येक घटक सुरळीतपणे जोडत प्रेक्षकांना संपूर्ण वेळ गुंतवून ठेवले.

 मंच व्यवस्थापन, मान्यवरांचे स्वागत, शिक्षकांना सहकार्य आणि कार्यक्रमाच्या प्रत्येक टप्प्यावर त्यांनी जबाबदाऱ्या अत्यंत समर्पितपणे पार पाडल्या. त्यांच्या टीमवर्कमुळे कार्यक्रम अधिक शिस्तबद्ध आणि आकर्षक झाला.

कार्यक्रमाच्या शेवटी शाळा व्यवस्थापनाकडून उपस्थित पालक व मान्यवरांना अल्पोपहार देण्यात आला. आनंद, उत्साह, अभिमान आणि गोड आठवणींनी भरलेला हा सोहळा लहानग्यांच्या आयुष्यातील अविस्मरणीय क्षण ठरला. भविष्यातील शैक्षणिक वाटचालीसाठी शुभेच्छांसह कार्यक्रमाची सांगता करण्यात आली. 🎓✨