बाणेर :
पुनर्निर्माण सोशल फाउंडेशनच्या वतीने आयोजित कुटुंबप्रमुख महिला संवाद कार्यक्रमात भारतीय जनता पार्टीचे प्रभाग क्रमांक ९ चे अधिकृत उमेदवार गणेश कळमकर यांनी सहभाग घेतला. या कार्यक्रमात महिलांच्या भावना, अपेक्षा, समस्या व संघर्ष यांविषयी मनमोकळा संवाद साधण्यात आला.
घराची धुरा सांभाळणाऱ्या कणखर महिलाच समाजाचा खरा कणा आहेत, हे या संवादातून पुन्हा अधोरेखित झाले. महिलांची सुरक्षितता, सन्मान आणि उज्ज्वल भविष्यासाठी कटिबद्ध राहण्याचा निर्धार यावेळी श्री. कळमकर यांनी व्यक्त केला.
“महिलांचा विश्वास हीच माझी खरी ताकद आहे. त्यांच्या सक्षमीकरणासाठी आणि सुरक्षिततेसाठी सातत्याने काम करणे हीच माझी प्रेरणा आहे,” असे मत त्यांनी व्यक्त केले.
या संवाद कार्यक्रमामुळे महिलांच्या प्रश्नांना प्रत्यक्ष ऐकून घेण्याची संधी मिळाल्याने उपस्थित महिलांनीही समाधान व्यक्त केले. कार्यक्रमास परिसरातील माता-भगिनी मोठ्या संख्येने उपस्थित होत्या.
More Stories
बालेवाडीतील राजाभाऊ गुडदे फाउंडेशनतर्फे स्नेहवनमध्ये ‘बालदीपोत्सव ५’ उत्साहात साजरा, आत्महत्याग्रस्त शेतकरी कुटुंबांतील १८० मुलांसोबत दिवाळीचा आनंद द्विगुणित..
*औंध-बोपोडीतील चिमुकल्यांच्या कल्पकतेला मिळाली नवी झळाळी!**मोफत आकाशकंदील कार्यशाळेतून बालसर्जनशीलतेला प्रोत्साहन**नगरसेवक सनी विनायक निम्हण यांच्या पुढाकारातून विद्यार्थ्यांसाठी सामाजिक उपक्रम; विद्यार्थ्यांचा उत्स्फूर्त सहभाग*
‘मिस अँड मिसेस हेरिटेज इंडिया २०२६’चा ऐतिहासिक सोहळा दिमाखात संपन्न!