पाषाण : व्हिस्परिंग विंड्स (फेज १ व २) येथे राष्ट्रवादी काँग्रेसचा जनसंवाद

पाषाण : 

पुणे महानगरपालिका निवडणुकीच्या पार्श्वभूमीवर पाषाण येथील व्हिस्परिंग विंड्स सोसायटी (फेज १ व २) येथे राष्ट्रवादी काँग्रेस पार्टीच्या वतीने रहिवाशांशी थेट संवाद साधण्यात आला. या भेटीत नागरिकांच्या दैनंदिन समस्या, सोसायटी परिसरातील मूलभूत सुविधांची स्थिती तसेच भविष्यातील अपेक्षा याबाबत सविस्तर चर्चा करण्यात आली.

यावेळी नागरिकांना भेडसावणाऱ्या प्रश्नांबाबत प्रशासनाकडे योग्य तो पाठपुरावा करून शक्य तिथे तातडीने उपाययोजना केल्या जातील, असे आश्वासन उपस्थितांनी दिले. कार्यक्रमास पुणे शहर राष्ट्रवादी महिला काँग्रेस पार्टीच्या नवनिर्वाचित कार्याध्यक्षा सौ. वैशालीताई कमाजदार यांची प्रमुख उपस्थिती होती.

राष्ट्रवादी काँग्रेस पार्टीच्या अधिकृत उमेदवार श्रीमती गायत्री मेढे-कोकाटे, श्री. बाबुराव चांदेरे, कु. पार्वती निम्हण तसेच अमोल बालवडकर यांच्या वतीने पाषाण परिसराचा वाढता विकास लक्षात घेऊन मूलभूत सुविधा अधिक मजबूत करणे व नागरिकांच्या दैनंदिन अडचणी कमी करणे हा मुख्य उद्देश असल्याचे स्पष्ट करण्यात आले.

भेटीदरम्यान नागरिकांनी संपर्कात राहणारे, काम करणारे आणि वेळेवर प्रश्न सोडवणारे प्रतिनिधित्व म्हणून राष्ट्रवादी काँग्रेसच्या कार्यशैलीवर विश्वास व्यक्त केला. हा विश्वास कायम राखत सर्वांशी सातत्याने संवाद ठेवून विकासाभिमुख कामकाज पुढे सुरू ठेवण्याचा निर्धार यावेळी करण्यात आला.