नागरिकांच्या विश्वासातून परिवर्तनाची चळवळ अधिक बळकट – जयेश मुरकुटे

बाणेर :

आगामी पुणे महानगरपालिका सार्वत्रिक निवडणुकीच्या पार्श्वभूमीवर राष्ट्रवादी काँग्रेस (शरद पवार) पक्षाचे अधिकृत उमेदवार श्री. जयेश मुरकुटे यांनी बाणेर परिसरात नागरिकांशी थेट संवाद साधत प्रचार दौरा केला. या दौऱ्यादरम्यान त्यांनी प्रभाग क्रमांक ९ मधील विविध भागांना भेट देत मतदारांशी आपुलकीने संवाद साधला व लोकशाही प्रक्रियेत सक्रिय सहभाग घेत मतदान करण्याचे आवाहन केले.

या भेटीदरम्यान नागरिकांनी परिसरातील पाणीपुरवठा, रस्ते, वाहतूक, स्वच्छता, नागरी सुविधा आदी समस्यांची मांडणी केली. यावर उमेदवार जयेश मुरकुटे यांनी प्रत्येक प्रश्न गांभीर्याने ऐकून घेत विकासाभिमुख व पारदर्शक कारभाराची ग्वाही दिली. सुशिक्षित, तरुण आणि संवेदनशील उमेदवाराला संधी देण्याचा स्पष्ट मानस यावेळी अनेक नागरिकांनी व्यक्त केला.

परिवर्तनाच्या या लढाईत सर्वसामान्य नागरिकांचा वाढता विश्वास आणि सकारात्मक प्रतिसाद मिळत असल्याचे मत व्यक्त करत, “ही केवळ निवडणूक नसून प्रभागाच्या उज्ज्वल भविष्यासाठीची सामूहिक चळवळ आहे,” असे जयेश मुरकुटे यांनी सांगितले. जनतेकडून मिळणारा विश्वास हीच या परिवर्तनाच्या लढ्याची खरी ताकद असल्याचे त्यांनी नमूद केले.