महाळुंगे गावात विकासाचा संदेश; जीवन चाकणकर यांचा प्रभावी प्रचार दौरा

महाळुंगे  :

महाळुंगे गावात झालेल्या प्रचार दौऱ्यात मा. श्री. जीवन निवृत्ती चाकणकर यांनी नागरिकांशी थेट संवाद साधत विकासाचा संदेश प्रत्येक घरापर्यंत पोहोचवला. या दौऱ्यादरम्यान स्थानिक नागरिकांनी आपल्या समस्या, सूचना आणि अपेक्षा मोकळेपणाने मांडल्या. त्यावर सकारात्मक आणि ठोस उपाययोजनांची भूमिका मांडत श्री. चाकणकर यांनी विकासासाठी कटिबद्ध असल्याचे स्पष्ट केले.

रस्ते, पाणीपुरवठा, स्वच्छता, शिक्षण, आरोग्य तसेच तरुणांसाठी रोजगाराच्या संधी यांसारख्या महत्त्वाच्या विषयांवर त्यांनी सविस्तर चर्चा केली. प्रभागाच्या सर्वांगीण विकासासाठी दीर्घकालीन नियोजन आणि पारदर्शक प्रशासन हीच आपली भूमिका असल्याचे त्यांनी यावेळी सांगितले.

या प्रचार दौऱ्याला नागरिकांचा उत्स्फूर्त प्रतिसाद लाभला. वाढता विश्वास, लोकांचा सक्रिय सहभाग आणि परिवर्तनाची उमेद यामुळे वातावरणात सकारात्मक ऊर्जा निर्माण झाली. ज्येष्ठ नागरिकांपासून युवक-युवती, महिला भगिनींपर्यंत सर्व स्तरांतून मिळालेला पाठिंबा हा विजयाच्या दिशेने वाटचाल दर्शवणारा असल्याचे चित्र पाहायला मिळाले.

प्रभाग क्रमांक ९ साठी विकास, विश्वास आणि प्रामाणिक नेतृत्व देण्याचा निर्धार करत मा. श्री. जीवन निवृत्ती चाकणकर यांनी प्रचार दौऱ्याचा समारोप केला. आगामी काळात प्रभागाच्या विकासासाठी नागरिकांच्या सहभागातून ठोस कामगिरी करून दाखवू, असा विश्वास त्यांनी व्यक्त केला.