सोमेश्वरवाडी येथे भाजपा कोथरूड उत्तर मंडळ सरचिटणीस सचिन दळवी यांच्या निवासस्थानी नामदार चंद्रकांतदादा पाटील यांची सदिच्छा भेट

सोमेश्वरवाडी :

भाजप कोथरूड विधानसभा उत्तर मंडळाचे सरचिटणीस सचिन दळवी यांच्या सोमेश्वरवाडी येथील निवासस्थानी महाराष्ट्र राज्याचे कॅबिनेट मंत्री नामदार चंद्रकांतदादा पाटील यांनी सदिच्छा भेट दिली. यावेळी दळवी कुटुंबीयांशी त्यांनी मनमोकळा संवाद साधला.

पुणे महानगरपालिकेच्या आगामी निवडणुकीच्या पार्श्वभूमीवर सचिन दळवी यांच्या पत्नी लक्ष्मी सचिन दळवी या सर्वसाधारण महिला गटातून इच्छुक उमेदवार होत्या. मात्र मार्गदर्शक नामदार चंद्रकांतदादा पाटील यांच्या आदेशानुसार त्यांनी सर्वसाधारण महिला गटासाठी भरलेला अपक्ष अर्ज मागे घेत, पक्षाच्या नेतृत्वावर विश्वास व्यक्त केला.

या निर्णयाच्या अनुषंगाने नामदार चंद्रकांतदादा पाटील यांनी दळवी यांच्या निवासस्थानी भेट देत त्यांचे अभिनंदन केले. यावेळी त्यांनी सचिन दळवी यांनी गेल्या अनेक वर्षांपासून भारतीय जनता पक्षामध्ये कोथरूड विधानसभा उत्तर मंडळाचे सरचिटणीस म्हणून संघटनात्मक व सामाजिक क्षेत्रात केलेल्या उल्लेखनीय कार्याची विशेष दखल घेतली.

“सचिन दळवी यांनी पक्षासाठी प्रामाणिकपणे आणि निष्ठेने काम केले आहे. त्यांच्या अनुभवाचा आणि कार्याचा उपयोग करून येत्या काळात नागरिकांच्या समस्या सोडवण्यासाठी योग्य संधी निश्चितपणे देण्यात येईल,” असे आश्वासन नामदार चंद्रकांतदादा पाटील यांनी दिले.

या भेटीमुळे पक्षातील शिस्त, नेतृत्वावरचा विश्वास आणि संघटनात्मक बळ अधिक दृढ झाले असल्याची भावना कार्यकर्त्यांमध्ये व्यक्त होत आहे. यावेळी सचिन दळवी मित्र परिवार आणि ग्रामस्थ उपस्थित होते.