पाषाण येथे दणदणीत घोषणांनी प्रमोद अण्णा निम्हण यांच्या प्रचाराचा शुभारंभ

पाषाण :

“प्रमोद अण्णा आगे बढो… आता विरोधकांची शिट्टी वाजणार!” या गर्जनात्मक घोषणांच्या गजरात अपक्ष उमेदवार प्रमोद अण्णा निम्हण यांच्या निवडणूक प्रचाराचा भव्य शुभारंभ झाला.

राष्ट्रवादी काँग्रेसकडून उमेदवारी नाकारली गेल्यानंतरही, स्थानिक नागरिकांच्या आग्रहाने अपक्ष म्हणून मैदानात उतरलेले प्रमोद अण्णा निम्हण आज जनतेच्या विश्वासाचे खरे नेतृत्व ठरत आहेत. प्रचाराच्या पहिल्याच दिवशी त्यांनी छत्रपती शिवाजी महाराजांचे दर्शन घेऊन प्रचाराला सुरुवात केली.

पाषाण गावात महिला भगिनींनी औक्षण करून त्यांना विजयाची ग्वाही दिली. या प्रसंगी पाषाण, बाणेर आणि बालेवाडी परिसरातील नागरिक मोठ्या संख्येने उपस्थित होते. नागरिकांचा उत्स्फूर्त प्रतिसाद आणि मिळालेला पाठिंबा पाहता वातावरण पूर्णतः उत्साहपूर्ण झाले होते.

एकनिष्ठपणे काम करूनही झालेल्या अन्यायाला आता जनतेच्या ताकदीने उत्तर दिले जाईल, अशी भावना उपस्थितांमध्ये दिसून आली. “आता विकासाची शिट्टी वाजणार!” या घोषणांनी परिसर दणाणून गेला.

प्रमोद अण्णा निम्हण यांना विजयी करून विकासाचा नवा अध्याय लिहूया, असा निर्धार यावेळी नागरिकांनी व्यक्त केला.