प्रभाग क्रमांक ९ साठी लक्ष्मी सचिन दळवी यांचा उमेदवारी अर्ज दाखल

औंध :

प्रभाग क्रमांक ९ साठी इच्छुक उमेदवार लक्ष्मी सचिन दळवी यांनी आज औंध–बाणेर क्षेत्रीय कार्यालयात आपला उमेदवारी अर्ज अधिकृतपणे दाखल केला. यावेळी त्यांनी प्रभागातील सर्वसामान्य नागरिकांच्या समस्या, अपेक्षा आणि गरजांकडे प्राधान्याने लक्ष देण्याची ठाम भूमिका मांडली.

उमेदवारी अर्ज दाखल करताना बोलताना दळवी म्हणाल्या की, प्रभागातील पाणीपुरवठा, रस्ते, स्वच्छता, आरोग्य, शिक्षण तसेच महिलांसाठी व युवकांसाठी उपयुक्त उपक्रम राबवणे हे त्यांच्या कार्याचे मुख्य उद्दिष्ट राहणार आहे. “प्रभागातील प्रत्येक नागरिकाचा आवाज ऐकून, त्यांना न्याय देणारे आणि विकासाभिमुख काम करण्याचा माझा प्रामाणिक प्रयत्न राहील,” अशी ग्वाही त्यांनी दिली.

या नव्या प्रवासाची सुरुवात ही प्रामाणिक सेवा, पारदर्शक कारभार आणि सकारात्मक बदल घडवून आणण्याच्या संकल्पनेतून केली असून, नागरिकांच्या सक्रिय सहभागातून प्रभागाचा सर्वांगीण विकास साधण्याचा निर्धार त्यांनी व्यक्त केला.