बालेवाडी येथे भाजपा इच्छुक उमेदवार प्रियांका विनायक चिव्हे यांचा घरोघरी जनसंवाद

बालेवाडी :

बालेवाडी परिसरातील प्रभाग क्रमांक ९ मधील भाजपा इच्छुक उमेदवार प्रियांका विनायक चिव्हे यांनी आज घरोघरी भेट देत नागरिकांशी थेट संवाद साधला. या जनसंवादादरम्यान त्यांनी परिसरातील नागरिकांच्या दैनंदिन समस्या, मूलभूत सुविधा, पाणीपुरवठा, रस्ते, स्वच्छता तसेच सुरक्षा यासंदर्भातील अडचणी जाणून घेतल्या.

नागरिकांनी मांडलेल्या प्रश्नांना शांतपणे ऐकून घेत प्रियांका चिव्हे यांनी आपल्या ध्येय-धोरणांची आणि विकासात्मक दृष्टीकोनाची माहिती दिली. स्थानिक पातळीवरील प्रश्न सोडवण्यासाठी प्रामाणिक प्रयत्न, पारदर्शक प्रशासन आणि नागरिकांच्या सहभागातून विकास साधण्याचा आपला संकल्प त्यांनी व्यक्त केला.

या उपक्रमामुळे नागरिकांमध्ये उत्साहाचे वातावरण दिसून आले. थेट संवादामुळे नागरिकांनीही आपले मत, अपेक्षा आणि सूचना खुलेपणाने मांडल्या. बालेवाडी परिसराच्या सर्वांगीण विकासासाठी आपण कटिबद्ध असल्याचे प्रियांका चिव्हे यांनी यावेळी स्पष्ट केले.