माता-भगिनींची साथ, परिवर्तनाची नवी वाट ! प्रभाग क्रमांक ९ मध्ये जयेश मुरकुटे यांच्या प्रचाराला महिलांचा उत्स्फूर्त सहभाग

बाणेर :

पुणे महानगरपालिका निवडणुकीच्या पार्श्वभूमीवर प्रभाग क्रमांक ९ मध्ये राष्ट्रवादी काँग्रेस (शरद पवार) पक्षाचे युवा नेतृत्व जयेश मुरकुटे यांच्या प्रचाराला माता-भगिनींचा भक्कम पाठिंबा मिळताना दिसत आहे. परिसरातील महिलांनी जोमाने प्रचारात सहभाग घेत घरोघरी जाऊन मतदारांशी थेट संवाद साधला व जयेश मुरकुटे यांना मतदान करण्याचे आवाहन केले.

या जनसंपर्क मोहिमेदरम्यान महिलांनी परिसरातील पाणी, रस्ते, स्वच्छता, सुरक्षितता, आरोग्य व मूलभूत नागरी सुविधांबाबतच्या समस्या मांडल्या. त्याचबरोबर बदलाची अपेक्षा व्यक्त करत तरुण, अभ्यासू व लोकाभिमुख नेतृत्वाला संधी देण्याचा निर्धारही त्यांनी व्यक्त केला.

महिला भगिनींच्या उत्साहपूर्ण सहभागामुळे परिवर्तनाच्या अभियानाला नवी ऊर्जा मिळाली असून, जयेश मुरकुटे यांचा आत्मविश्वास अधिक बळकट झाला आहे. महिलांची ही मिळालेली साथ परिवर्तनाच्या दिशेने निर्णायक ठरेल, असा विश्वास यावेळी व्यक्त करण्यात आला.

बाणेर-बालेवाडी, सुतारवाडी, पाषाण, सोमेश्वरवाडी, सुस व म्हाळुंगे परिसरात महिलांनी दाखवलेली एकजूट आणि सक्रिय सहभाग हा येणाऱ्या निवडणुकीत महत्त्वाचा टर्निंग पॉईंट ठरण्याची शक्यता व्यक्त होत आहे.