प्रभाग क्र. ९ मध्ये २१ डिसेंबर रोजी स्नेह मेळाव्याचे अमोल बालवडकर मित्र परिवाराचे आयोजन

बालेवाडी :

प्रभाग क्रमांक ९ मधील नागरिकांसाठी गेल्या दहा वर्षांपासून सातत्याने आयोजित करण्यात येणाऱ्या सस्नेह मेळाव्याचे यंदाचे आयोजन रविवार, २१ डिसेंबर २०२५ रोजी करण्यात आले आहे. या उपक्रमामुळे दरवर्षी नागरिकांना एकत्र येण्याची, संवाद साधण्याची आणि आनंद साजरा करण्याची संधी मिळत असून हा कार्यक्रम नागरिकांमध्ये विशेष लोकप्रिय ठरला आहे.

हा कार्यक्रम सायंकाळी ६.०० ते रात्री १०.०० वाजेपर्यंत
बालेवाडी हाय स्ट्रीट मैदान, बालेवाडी येथे आयोजित करण्यात आला आहे.

माजी नगरसेवक तथा पुणे शहर विकास समितीचे माजी अध्यक्ष मा. श्री. अमोल रतन बालवडकर यांच्या पुढाकाराने हा उपक्रम राबविण्यात येत असून, प्रभागातील सर्व मान्यवर नागरिकांनी कुटुंबीय व मित्रपरिवारासह उपस्थित राहावे, असे आवाहन करण्यात आले आहे.

हिवाळ्याच्या ऋतूमध्ये पारंपरिक हुरड्याचा आस्वाद घेत आपुलकीच्या वातावरणात सस्नेह भोजनाचा आनंद घेण्याची संधी या कार्यक्रमातून मिळणार आहे. नागरिकांच्या सन्माननीय उपस्थितीमुळे कार्यक्रमाची शोभा अधिक वाढेल, असा विश्वास आयोजकांनी व्यक्त केला आहे.