प्रभाग क्र. ९ : भाजपा उच्चशिक्षित उमेदवार प्रियांका विनायक चिव्हे यांना बाणेर व्यापारी संघटनेचा पाठिंबा

बाणेर :

प्रभाग क्रमांक ९ मधील आगामी महानगरपालिका निवडणुकीच्या पार्श्वभूमीवर भारतीय जनता पक्षाच्या उच्चशिक्षित इच्छुक उमेदवार प्रियांका विनायक चिव्हे यांना पाठिंबा देण्यासाठी बाणेर व्यापारी संघटनेच्या वतीने विशेष बैठक आयोजित करण्यात आली होती.

या बैठकीदरम्यान व्यापारी बांधवांनी प्रभागातील विकास, व्यापारी समस्या, पायाभूत सुविधा, वाहतूक, पार्किंग आणि स्वच्छता यासारख्या विविध मुद्द्यांवर सविस्तर चर्चा केली. प्रियांका चिव्हे यांनी व्यापाऱ्यांच्या अडचणी समजून घेत सक्षम, पारदर्शक आणि विकासाभिमुख नेतृत्व देण्याचा विश्वास उपस्थितांना दिला.

या बैठकीस भाजपा इच्छुक उमेदवार, कोथरूड विधानसभा उत्तर मंडल अध्यक्ष श्री. लहू बालवडकर, संतोष तापकीर तसेच सरचिटणीस श्री. सचिन दळवी हे प्रमुख उपस्थित होते. त्यांनी भारतीय जनता पक्षाच्या धोरणांची माहिती देत प्रभाग क्रमांक ९ च्या सर्वांगीण विकासासाठी एकजुटीने काम करण्याचे आवाहन केले.

बैठकीअंती बाणेर व्यापारी संघटनेच्या पदाधिकाऱ्यांनी प्रियांका विनायक चिव्हे यांना जाहीर पाठिंबा देत आगामी निवडणुकीत सक्रिय सहकार्य करण्याचा निर्धार व्यक्त केला.