पुणे महानगरपालिका निवडणुक २०२६ : सुषमा बालवडकर यांची सुतारवाडीत नागरिकांशी संवाद साधण्याची मोहीम

सुतारवाडी :

पुणे महानगरपालिका सार्वत्रिक निवडणूक २०२६च्या पार्श्वभूमीवर राष्ट्रवादी काँग्रेस (शरद पवार गट) पक्षाच्या पुणे शहर मा. युवती अध्यक्षा सुषमा संदीप बालवडकर यांनी सुतारवाडी परिसरात नागरिकांशी भेटीगाठी घेत स्थानिक परिस्थितीचा आढावा घेतला.

या भेटीदरम्यान त्यांनी नागरिकांशी प्रत्यक्ष संवाद साधत दैनंदिन अडचणी, सुविधा, विकासकामे आणि अपेक्षा जाणून घेतल्या. नागरिकांकडून मिळालेला उत्स्फूर्त प्रतिसाद, विश्वास आणि आपुलकीने भविष्यात अधिक वेगाने विकास साधण्यासाठी प्रेरणा मिळाल्याचे सुषमा बालवडकर यांनी स्पष्ट केले.

सुतारवाडी तसेच प्रभाग क्रमांक ९ च्या सर्वांगीण प्रगतीसाठी पारदर्शक, जनाभिमुख आणि विकासकेंद्रित कार्यपद्धतीने कार्य करण्याचा निर्धार त्यांनी व्यक्त केला.