सुस गावातून भाजप प्रभाग ९ च्या प्रचाराला उत्साहात सुरुवात

सूस :

भारतीय जनता पार्टीचे ज्येष्ठ नेते श्री. प्रकाश तात्या बालवडकर यांच्या मार्गदर्शनाखाली आज सुस गावातून भारतीय जनता पार्टी प्रभाग क्रमांक ९ च्या प्रचाराला भव्य आणि उत्साहपूर्ण वातावरणात सुरुवात करण्यात आली.

या प्रचार प्रारंभ प्रसंगी पक्षाचे सर्व इच्छुक उमेदवार, पदाधिकारी, कार्यकर्ते मोठ्या संख्येने उपस्थित होते. सुस गावातील नागरिकांशी बंधुभावाने भेटीगाठी घेत संवाद साधण्यात आला. यावेळी नागरिकांनी आपल्या अपेक्षा, प्रश्न व सूचनांचा मोकळेपणाने आढावा मांडला.

जनतेचा विश्वास, प्रेम आणि पाठबळ हेच आपली खरी ताकद असून त्याच बळावर सर्वांगीण विकासाच्या ध्येयाने प्रेरित होऊन हा प्रचार अधिक जोमाने आणि प्रभावीपणे पुढे नेण्याचा निर्धार यावेळी करण्यात आला.

प्रभागातील पायाभूत सुविधा, नागरिकांच्या दैनंदिन समस्या आणि भविष्यातील विकासकामांना प्राधान्य देत भारतीय जनता पार्टी जनतेच्या अपेक्षा पूर्ण करण्यासाठी कटिबद्ध असल्याचे यावेळी स्पष्ट करण्यात आले.