बाणेरमध्ये मुरकुटे परिवाराचा एकमताचा निर्णय; अनिकेत मुरकुटे व जयेश मुरकुटेंना पूर्ण ताकतीनिशी पाठिंबा

बाणेर :

बाणेर येथे मुरकुटे परिवाराच्या वतीने आगामी पुणे महानगरपालिकेच्या निवडणुकीच्या पार्श्वभूमीवर एक महत्त्वपूर्ण निर्णय एकमताने घेण्यात आला. येणाऱ्या महानगरपालिका निवडणुकीत मनसे नेते अनिकेत मुरकुटे आणि राष्ट्रवादी काँग्रेस (शरद पवार गट) पक्षाचे कोथरूड विधानसभा कार्यध्यक्ष जयेश मुरकुटे यांना पूर्ण ताकदीनिशी साथ देत निवडून आणण्याचा ठाम निर्धार यावेळी व्यक्त करण्यात आला.

या निर्णयासाठी मुरकुटे परिवारातील ज्येष्ठांपासून ते तरुण पिढीपर्यंत सर्व सदस्य एकत्र आले होते. सखोल चर्चा, विचारमंथन आणि परस्पर मतैक्याच्या माध्यमातून हा निर्णय घेण्यात आला. बाणेर परिसराच्या विकासासाठी आणि स्थानिक प्रश्नांना प्रभावी नेतृत्व मिळावे, या उद्देशाने हा एकत्रित निर्णय झाल्याचे यावेळी सांगण्यात आले.

मुरकुटे परिवाराने घेतलेला हा एकमताचा निर्णय आगामी निवडणुकीच्या राजकीय समीकरणांमध्ये महत्त्वाचा ठरण्याची शक्यता व्यक्त केली जात आहे.