पाषाणमध्ये मराठी लोककलेचा रंगतदार उत्सव दणदणीत यशस्वी! लक्ष्मी सचिन दळवी यांचे यशस्वी आयोजन..

पाषाण :

पाषाण परिसरात प्रथमच आयोजित करण्यात आलेल्या “Folk” या मराठी लोककलेच्या रंगतदार उत्सवाला नागरिकांनी उत्स्फूर्त प्रतिसाद देत कार्यक्रम अविस्मरणीय बनवला. लक्ष्मी सचिन दळवी यांच्या पुढाकाराने आणि सचिन दळवी यांच्या मार्गदर्शनाखाली हा उपक्रम अत्यंत देखण्या वातावरणात पार पडला.

कार्यक्रमाची सुरुवात समाजभूषण शांताराम आण्णा निम्हण यांच्या हस्ते दीपप्रज्वलनाने झाली. मराठी संस्कृतीच्या परंपरेनुसार कोथरूड उत्तर मंडल अध्यक्ष लहू अण्णा बालवडकर यांच्या हस्ते नारळ फोडून कार्यक्रमाचे विधिवत उद्घाटन करण्यात आले.

यानंतर लोककलेचे विविध मनमोहक सादरीकरणांनी उपस्थित प्रेक्षकांना मंत्रमुग्ध केले. कार्यक्रमात सहभागी झालेल्या सर्व कलाकारांचा सत्कार भाजपा पुणे शहर सरचिटणीस पुनीत जोशी यांच्या हस्ते करण्यात आला.

यावेळी भाजपचे परिसरातील माजी नगरसेवक, नगरसेविका, पदाधिकारी तसेच मोठ्या संख्येने कार्यकर्ते उपस्थित राहून कार्यक्रमाला भक्कम पाठिंबा दिला. पाषाणने अनुभवलेला हा लोककलेचा जल्लोष नागरिकांच्या मनावर कायमची छाप सोडून गेला!