बालेवाडी येथे महापडी पूजा महोत्सव उत्साहात संपन्न — राहुल बालवडकर यांच्या सहकार्याने यशस्वी आयोजन

बालेवाडी :

दसरा चौक, बालेवाडी येथे आज भक्तिमय आणि उत्साहपूर्ण वातावरणात महापडी पूजा महोत्सव मोठ्या श्रद्धेने संपन्न झाला. दक्षिण भारतीय बांधवांच्या पारंपरिक पद्धतीनुसार पूजा, मंत्रोच्चार आणि दीपाराधना करण्यात आली.

रामानाईया गुरु स्वामी, वेणू गोपाल रेड्डी गुरु स्वामी आणि किरण रेड्डी स्वामी यांच्या हस्ते विधिवत पूजा पार पडली. भगवान अय्यप्पांच्या चरणी आरोग्य, समृद्धी आणि सर्वांच्या कल्याणासाठी मनःपूर्वक प्रार्थना करण्यात आली.

या महोत्सवाच्या यशस्वी आयोजनात राहुल बालवडकर (उपाध्यक्ष, पुणे शहर राष्ट्रवादी काँग्रेस) यांचे विशेष सहकार्य लाभले. त्यांच्या पाठिंब्यामुळे आणि उपस्थितीमुळे कार्यक्रमाला अधिक उत्साहवर्धक आणि मंगलमय रूप प्राप्त झाले. आयोजकांनी त्यांचे मनःपूर्वक आभार व्यक्त केले.