मिशन निर्मल अंतर्गत पाषाण-सुसरोड परिसरात मोठ्या प्रमाणात स्वच्छता अभियान! अमोल बालवडकर यांच्या स्वच्छता संकल्पला नागरिकांचा प्रतिसाद..

पाषाण :

अमोल बालवडकर फाउंडेशनच्या वतीने राबविण्यात येत असलेल्या मिशन निर्मल स्वच्छता अभियानाचा आज पाषाण-सुस मेन रोड परिसरात उत्साहात पुढाकार घेत अंमल करण्यात आला. परिसरातील नागरिकांच्या सक्रिय सहभागामुळे हा उपक्रम अधिक प्रभावी ठरला.

📍 स्वच्छता झालेली प्रमुख ठिकाणे:
श्री तेज अपार्टमेंट, लेण्याद्री सोसायटी, बिगिनर्स वर्ल्ड प्री-स्कूल अँड डे केअर, श्री लेण्याद्री हाऊसिंग सोसायटी, विनायक बंगला, महाराजा फर्निचर डेकोर, ए टू झेड कार केअर, इस्राक कार केअर, भाजपा कार्यालय (रोहन रोहिदास कोकाटे), धनश्री फर्निचर मॉल, शिवांजली रेस्टॉरंट अँड बार, चापाजी बुवा मित्र मंडळ, मॉन्टव्हर्ट आर्केड, शैलजा, चंद्रवर्षा, शुभतेज गार्डन मंगल कार्यालय, कोने आणि आसपासची अनेक ठिकाणे.

या संपूर्ण क्षेत्रात मोठ्या प्रमाणावर कचरा संकलन, रस्ते व परिसर स्वच्छता, जाळे-नाले स्वच्छता अशा विविध स्वच्छता उपक्रमांची अंमलबजावणी करण्यात आली.

नागरिक, स्थानिक कार्यकर्ते आणि स्वयंसेवकांनीही उत्स्फूर्त सहभाग देत स्वच्छतेचे महत्त्व पटवून दिले. पर्यावरण रक्षणासाठी प्रत्येकाने पुढाकार घ्यावा, असा संदेश या उपक्रमातून देण्यात आला.

🔹 बाणेर, बालेवाडी आणि महाळुंगे येथे उल्लेखनीय यश मिळवल्यानंतर ‘मिशन निर्मल’ आता पाषाण परिसरात देखील जोमात सुरू असून नागरिकांचा मोठा पाठिंबा व सहकार्य लाभत आहे.

या अभियानामुळे परिसरात स्वच्छतेबाबत जागरूकता वाढत असून पाषाण-सुस भागात स्वच्छ, निरोगी आणि सुंदर वातावरण निर्माण करण्याचा संकल्प मजबूत होत आहे.