सुतारवाडी येथील वेणूताई यशवंतराव चव्हाण प्राथमिक विद्यालयाच्या मुख्याध्यापिका सौ. शबनम जमादार मॅडम ३७ वर्षांच्या यशस्वी सेवेनंतर सेवानिवृत्त..

सुतारवाडी :

सुतारवाडी परिसरातील मनपा शाळा क्रमांक ७१ बी – वेणूताई यशवंतराव चव्हाण प्राथमिक विद्यालय या शाळेच्या मुख्याध्यापिका सौ. शबनम नियतवयो माने जमादार मॅडम या आपल्या ३७ वर्षांच्या यशस्वी व प्रदीर्घ सेवेनंतर वयाच्या ५८व्या वर्षी सेवानिवृत्त झाल्या.

शिक्षक, विद्यार्थी आणि पालक यांच्यात लोकप्रिय असलेल्या सौ. जमादार मॅडम यांनी आपल्या कार्यकाळात शाळेच्या विकासासाठी आणि विद्यार्थ्यांच्या सर्वांगीण प्रगतीसाठी अनेक उपक्रम राबवले. त्यांनी सुतारवाडी शाळेतील विद्यार्थ्यांसाठी, शिक्षकांसाठी आणि पालकांसाठी विविध सुविधा उपलब्ध करून दिल्या तसेच शाळेची गुणवत्ता आणि उपक्रमशीलता वाढविण्यात मोलाचे योगदान दिले.

त्यांच्या सेवानिवृत्तीमुळे विद्यार्थी, पालक व शिक्षकवर्गात हळहळ व्यक्त करण्यात आली. सौ. जमादार मॅडम समाधान आणि तृप्ततेच्या भावनेने सेवेतून निवृत्त होत आहेत.

त्या महाराष्ट्र राज्य प्राथमिक शिक्षक संघटनेच्या सक्रिय कार्यकर्त्या असून, संघटनेच्या महिला आघाडी व पदाधिकाऱ्यांनी त्यांना सेवानिवृत्तीच्या मनःपूर्वक शुभेच्छा दिल्या. एका संघनिष्ठ, समर्पित आणि प्रेरणादायी शिक्षिकेचा निरोप घेताना सर्वांनी “त्यांची उणीव कायम भासेल” असे भावनिक उद्गार काढले.