बालेवाडीतील ऋग्वेद अपटाऊन सोसायटीतर्फे राष्ट्रवादी काँग्रेसच्या नेत्यांचा सत्कार — प्रतीक्षित रस्त्याचे काम केले पूर्ण..

बालेवाडी :

बालेवाडी परिसरातील नागरिकांसाठी एक दिलासादायक बातमी! ऋग्वेद अपटाऊन सोसायटीबाहेरील दीर्घकाळ प्रतीक्षित रस्त्याचे काम पूर्ण करण्यात आले असून, या कामाबद्दल कृतज्ञता व्यक्त करण्यासाठी सोसायटीतर्फे पुणे महानगरपालिकेचे मा. स्थायी समिती अध्यक्ष बाबुराव चांदेरे, पुणे शहर राष्ट्रवादी काँग्रेस पक्षाचे उपाध्यक्ष राहुल दादा बालवडकर तसेच पुणे शहर राष्ट्रवादी काँग्रेस युवक अध्यक्ष समीर चांदेरे यांचा सन्मान सोसायटीतर्फे करण्यात आला.

या प्रसंगी बोलताना माजी स्थायी समिती अध्यक्ष बाबुराव चांदेरे म्हणाले की, “हा सन्मान फक्त आमचा नसून हा नागरिकांच्या आपुलकीचा आणि विश्वासाचा सन्मान आहे. प्रत्येक सोसायटीमधील नागरिकांना चांगल्या सुविधा आणि मूलभूत सोयी मिळाव्यात, हेच आमचं ध्येय आहे.”

रस्त्याचे काम पूर्ण झाल्यामुळे परिसरातील नागरिकांना मोठा दिलासा मिळाला असून, या उपक्रमाबद्दल ऋग्वेद अपटाऊन सोसायटीतील सर्व नागरिकांनी मनःपूर्वक आभार व्यक्त केले.

या कार्यक्रमात सोसायटीचे पदाधिकारी, रहिवासी आणि स्थानिक मान्यवर उपस्थित होते.