कृष्णा नगर, सोमेश्वरवाडीतील नागरिकांना दिलासा, प्रमोद निम्हण यांच्या प्रयत्नातून ड्रेनेज लाईन टाकण्याचे काम सुरू!

सोमेश्वरवाडी :

औंध-बाणेर क्षेत्रीय कार्यालयाच्या सहकार्याने आणि माजी नगरसेवक प्रमोद निम्हण यांच्या विशेष प्रयत्नातून कृष्णा नगर, सोमेश्वरवाडी येथे ड्रेनेज लाईन टाकण्याच्या कामाचा शुभारंभ आज करण्यात आला.

या महत्त्वपूर्ण कामामुळे परिसरातील नागरिकांना दीर्घकाळ भेडसावत असलेल्या ड्रेनेज समस्यांपासून दिलासा मिळणार आहे. शुभारंभानंतर प्रमोद निम्हण यांनी स्थानिक नागरिकांशी संवाद साधत त्यांच्या समस्या जाणून घेतल्या तसेच त्या सोडविण्यासाठी आवश्यक ती कार्यवाही करण्याचे आश्वासन दिले.

माजी नगरसेवक प्रमोद निम्हण म्हणाले, “प्रभागातील नागरिकांच्या अडचणी सोडवणे आणि विकासकामांना गती देणे हा माझा कायमस्वरूपी प्रयत्न राहील. जनतेच्या सेवेसाठी मी सदैव तत्पर आहे.”