बाबुरावजी घोलप महाविद्यालयाच्या जलतरणपटूंची यशस्वी झेप — वॉटर पोलो व स्विमिंग स्पर्धांमध्ये चमकदार कामगिरी!

पुणे :

सावित्रीबाई फुले पुणे विद्यापीठाच्या अंतर्गत पुणे जिल्हा विभागीय क्रीडा समिती व शारदाबाई पवार महाविद्यालय, बारामती यांच्या संयुक्त विद्यमाने आयोजित आंतर-महाविद्यालयीन वॉटर पोलो स्पर्धेमध्ये पुणे जिल्हा शिक्षण मंडळाच्या बाबुरावजी घोलप महाविद्यालयाने प्रथम क्रमांक पटकावला आहे.

या उत्कृष्ट कामगिरीमुळे महाविद्यालयाच्या ६ खेळाडूंची निवड आंतरविभागीय वॉटर पोलो स्पर्धेसाठी झाली आहे. तसेच मुलींच्या गटातही घोलप महाविद्यालयाने बाजी मारत स्विमिंग चॅम्पियनशिप जिंकली असून, ५ मुली व ४ मुले यांची निवड आंतरविभागीय स्विमिंग स्पर्धेसाठी झाली आहे.

या उल्लेखनीय यशाबद्दल पुणे जिल्हा शिक्षण मंडळाचे अध्यक्ष व माननीय उपमुख्यमंत्री मा. श्री. अजितदादा पवार, उपाध्यक्ष मा. श्री. राजेंद्र घाडगे, मानद सचिव ॲड. संदीप कदम, खजिनदार श्री. मोहनराव देशमुख, सहसचिव श्री. एल. एम. पवार, प्रशासन सचिव श्री. ए. एम. जाधव, तसेच महाविद्यालयाच्या प्राचार्या डॉ. संगीता जगताप, उपप्राचार्या डॉ. वंदना पिंपळे व शारीरिक शिक्षण संचालिका डॉ. विद्या पाठारे यांनी विजेत्या खेळाडूंना मनःपूर्वक शुभेच्छा दिल्या व पुढील स्पर्धेसाठी प्रोत्साहनपर संदेश दिला.

महाविद्यालयाच्या शिक्षक व शिक्षकेतर कर्मचाऱ्यांनीही खेळाडूंचा गौरव करत त्यांना पुढील स्पर्धांसाठी मनःपूर्वक शुभेच्छा दिल्या.