बाणेर येथील ननवरे चौकातील रस्त्याच्या कामाबद्दल नागरिकांकडून कौतुकाची थाप!

बाणेर :

बाणेर परिसरातील ननवरे चौक ते पॅन कार्ड क्लबकडे जाणाऱ्या रस्त्याच्या कामाला अखेर सुरुवात झाली असून, या उपक्रमाबद्दल नागरिकांकडून समाधान आणि कौतुकाचा वर्षाव होत आहे.

आज सकाळी ९ वाजता सुरू झालेले हे काम सायं. ७ वाजेपर्यंत चालले. या दरम्यान जवळील विविध सोसायट्यांतील नागरिकांनी प्रत्यक्ष भेट देऊन कामाबाबत समाधान व्यक्त केले.

नागरिकांनी कौतुकाच्या शब्दांत प्रतिक्रिया देताना म्हटलं – “बाबुरावजी आणि समीर भाऊ… आमची मागणी ओळखून तुम्ही केलेला पाठपुरावा आणि आज प्रत्यक्षात सुरु झालेलं हे काम पाहून आम्हाला खरोखरच आनंद होतोय. ट्रॅफिक फ्री ननवरे चौकाचं वचन आज प्रत्यक्षात साकारताना पाहून आम्हाला मोठा दिलासा मिळालाय.”

या कामाच्या शुभारंभी पुणे महानगरपालिकेचे स्थायी समिती अध्यक्ष मा. बाबुरावजी चांदेरे, राष्ट्रवादी काँग्रेस पक्षाचे पुणे शहर उपाध्यक्ष राहुल दादा बालवडकर व युवक अध्यक्ष राष्ट्रवादी काँग्रेस पुणे शहर समीर चांदेरे प्रत्यक्ष ठिकाणी उपस्थित होते.

समीर चांदेरे यांनी नागरिकांचे आभार मानताना सांगितले की, “या रस्त्याच्या कामासाठी सातत्याने मनपा आयुक्तांकडे पाठपुरावा करण्यात आला. त्यावेळीही सोसायटीतील रहिवाशी माझ्यासोबत होते आणि आज प्रत्यक्ष काम सुरू झाल्यापासून ते आमच्यासोबत आहेत. त्यामुळे या कामाचे संपूर्ण श्रेय नागरिकांना जाते. त्यांच्या सहकार्यामुळेच हे शक्य झाले. आम्ही सदैव प्रभागातील नागरिकांच्या प्रत्येक समस्येवर कटिबद्ध आहोत आणि राहू.”