बाणेर येथील मंत्रा-99 रिव्हरफ्रंट सोसायटी समोरील रस्ते डांबरीकरणाचा शुभारंभ संपन्न..

बाणेर :

बाणेर परिसरातील नागरिकांसाठी दिलासादायक ठरणारा एक महत्त्वाचा विकासकामाचा शुभारंभ आज झाला. ज्युपिटर हॉस्पिटल शेजारील मंत्रा-99 रिव्हरफ्रंट सोसायटीसमोर रस्त्याच्या डांबरीकरणाचे काम माजी स्थायी समिती अध्यक्ष बाबुराव चांदेरे यांच्या मार्गदर्शनाखाली सुरू करण्यात आले.

या कामाचा शुभारंभ राष्ट्रवादी काँग्रेस पार्टीचे पुणे शहर उपाध्यक्ष श्री. राहुल बालवडकर, राष्ट्रवादी युवक काँग्रेस पार्टीचे पुणे शहर अध्यक्ष श्री. समीर चांदेरे, माजी नगरसेवक श्री. प्रमोद निम्हण यांच्या प्रमुख उपस्थितीत, तसेच सोसायटीतील नागरिकांच्या साक्षीने पार पडला.

या डांबरीकरणामुळे नागरिकांना सुरक्षित, सुलभ व आरामदायी प्रवासाचा अनुभव मिळणार असून परिसरातील अंतर्गत रस्त्यांना नवे रूप प्राप्त होणार आहे.