गणेशोत्सवाच्या निमित्ताने प्रभाग क्रमांक ९ मधे जीवन चाकणकर यांची मंडळांना भेट..

पाषाण :

बाणेर, बालेवाडी, सूस, महाळुंगे, पाषाण, सुतारवाडी आणि सोमेश्वरवाडी परिसरात भारतीय राष्ट्रीय काँग्रेस पुणे शहर उपाध्यक्ष जीवन चाकणकर यांनी गणेशोत्सवाच्या पार्श्वभूमीवर विविध मंडळे व सोसायट्यांना भेट देऊन बाप्पाची आरती केली. या कार्यक्रमास महाराष्ट्र प्रदेश काँग्रेस कमिटीचे प्रदेशाध्यक्ष व माजी आमदार मोहन जोशी उपस्थित होते.

यावेळी मोहन जोशी यांनी नागरिकांना गणेशोत्सवाच्या शुभेच्छा देत जीवन चाकणकर यांच्या कार्याचे कौतुक केले. त्यांनी सांगितले की, “चाकणकर यांनी सातत्याने परिसरात पक्षसंघटन बळकट करण्याचे काम केले असून त्यांचा जनसंपर्क आणि नागरिकांशी असलेला आपुलकीचा दृष्टिकोन कौतुकास्पद आहे.”

चाकणकर यांनीही उत्सवाच्या माध्यमातून नागरिकांना शुभेच्छा दिल्या व परिसराच्या विकासासाठी कायम कटिबद्ध राहण्याचा निर्धार व्यक्त केला.

आगामी पुणे महापालिका निवडणुकीच्या पार्श्वभूमीवर या भेटीला विशेष राजकीय महत्त्व प्राप्त झाले आहे.